Live Updates

امریکی فوج مشرق وسطی میں اقدامات احتیاطی طور پر کر رہی، دو عہدے داران

امریکی سینٹرل کمانڈ نے احتیاطاًخطے میں خون کی اضافی سپلائی بھی جمع کر رکھی ہے،گفتگو

جمعہ 20 جون 2025 12:10

واشنگٹن (اُردو پوائنٹ اخبارتازہ ترین - این این آئی۔ 20 جون2025ء)امریکہ کے دو دفاعی حکام نے سی این این کو کہا ہے کہ امریکی فوج نے مشرق وسطی میں اپنے اثاثوں اور ساز و سامان کی حفاظت کے لیے کئی اقدامات کیے ہیں کیونکہ اسرائیل اور ایران کے درمیان تنازع جاری ہے۔میڈیارپورٹس کے مطابق دو عہدیداروں اور اس معاملے سے واقف ایک ذریعہ نے بتایا کہ امریکی سینٹرل کمانڈ نے خطے میں خون کی اضافی سپلائی بھی جمع کر رکھی ہے۔

یہ کسی بھی وقت امریکی افواج پر ممکنہ حملہ ہونے کی صورت میں معیاری طریقہ کار ہے۔

(جاری ہے)

ایک اہلکار نے ان تبدیلیوں کو احتیاطی ہنگامی منصوبہ بندی قرار دیا اور کہا اگر امریکہ ایرانی جوہری تنصیبات پر حملے میں اسرائیل کے ساتھ شامل ہونے کا فیصلہ کرتا ہے تو تہران کی خطے میں امریکی افواج اور اڈوں پر حملہ کرنے کی دھمکیوں کے تناظر میں ایسا کیا جارہا ہے۔اسرائیلی وزارت دفاع نے اعلان کیا کہ فوجی سازوسامان سے لدے 14 طیارے امریکہ سے آئے ہیں۔ اسرائیلی وزارت دفاع نے ایک بیان میں اطلاع دی کہ طیاروں کا سفر جاری ہے اور امریکی فوجی کارگو طیارے آچکے ہیں۔ اسرائیلی ٹیلی ویژن نے اسرائیل پہنچنے والی امریکی فوجی امداد کی تصاویر بھی نشر کیں۔