چنیوٹ ،ڈی جی پنجاب فوڈ اتھارٹی کی ہدایت پر اشیائے ضروریہ کے معیار کو جانچنے کے لئے فوڈ سیفٹی ٹیموں کی معائنہ مہم جاری

جمعہ 20 جون 2025 14:40

چنیوٹ (اُردو پوائنٹ اخبارتازہ ترین - اے پی پی۔ 20 جون2025ء) ڈی جی پنجاب فوڈ اتھارٹی کی ہدایت پر اشیائے ضروریہ کے معیار کو جانچنے کے لئے فوڈ سیفٹی ٹیموں کی معائنہ مہم جاری ہے۔شہر کے داخلی اور خارجی راستوں پر ناکہ بندی کر کے 30 دودھ بردار گاڑیوں میں موجود 13ہزار لیٹر دودھ کو جدید لیکٹو سکین مشین سے چیک کیا گیا۔

(جاری ہے)

ڈپٹی ڈائریکٹر آپریشنز ڈاکٹر محمد قاسم رضا نے بتایا کہ 30 دودھ بردار گاڑیوں سمیت ضلع بھر میں 103 انسپکشنز کی گئیں اوردوران معائنہ ایک مشکوک لوڈر موٹرسائیکل سےایک کلو سے زائد ممنوع چائنیز سالٹ برآمد کرکےموقع پر تلف اور بھاری جرمانہ عائدکیا۔

علاوہ ازیں دوران معائنہ کریانہ سٹورز سے 5 کلو سے زائد ایکسپائرڈ مصنوعات برآمدکرکے31ہزقر روپے جرمانہ عائد اور تمام ایکسپائرڈ مصنوعات تلف کردیں جبکہ دودھ کی ناقص کوالٹی کی وجہ سےملک سیل پوائنٹس کو 18ہزار روپے کے جرمانے عائد،قوانین کی خلاف ورزی پر مجموعی طور پر 56ہزار روپے کے جرمانے عائداوراشیائے ضروریہ کے معیار کو جانچنے کے لئے مختلف فوڈ سیمپلز لے کر لیبارٹری تجزیہ کےلئےبھیجےگئے۔\378