سول ڈیفنس کی ڈسٹرکٹ پریس کلب کوٹلی میں تربیتی ورکشاپ

کوٹلی(اُردو پوائنٹ اخبارتازہ ترین - این این آئی۔ 23 جون2025ء)سول ڈیفنس کی ڈسٹرکٹ پریس کلب کوٹلی میں تربیتی ورکشاپ، کسی بھی ناگہانی ایمرجنسی کی صورت میں حالات سے نمٹنے کے لئے احتیاطی تدابیر پر تفصیلی بریفنگ ، مون سون میں دریا میں طغیانی سے نقصانات بالخصوص حالیہ جنگی صورتحال میں دشمن کی طرف سے بارودی مواد سے بچا کیلئے اقدامات بارے آگاہی ، صحافی مستند اور جاندار ،محتاط رپورٹنگ سے عوام کو فائدہ پہنچا سکتے ہیں۔

تربیتی ورکشاپ میں اسسٹنٹ ڈائریکٹر سول ڈیفنس سردار تعظیم اختر،جمال علی سبحانی چیف انسٹرکٹر ،سید اخلاق حسین شاہ بن ڈسپوزل کمانڈر کوٹلی، اکرام ربانی انسٹرکٹر ،عمر اویس ہاشمی سیکٹر وارڈن نے مختلف مواقع پر احتیاطی تدابیر اور اقدامات کے حوالہ سے میڈیا اور عوام کے کردار کے حوالہ سے روشنی ڈالی گئی۔

(جاری ہے)

تفصیلات کے مطابق محکمہ سول ڈیفنس کی طرف سے ڈسٹرکٹ پریس کلب کوٹلی میں تربیتی ورکشاپ کا اہتمام کیا گیا ۔

تربیتی ورکشاپ میں قدرتی آفات ، جنگی صورتحال اور مون سون میں دریا میں طغیانی کے حوالہ سے تفصیلی آگاہ کیا گیا ۔ شرکا کو جنرل حفاظتی تدابیر سے آگاہی دی گئی۔ اس حوالہ سے محکمہ کی طرف سے جاری پمفلٹ بھی شرکا میں تقسیم کیے گئے۔ انسٹرکٹر اکرام ربانی نے کہا کہ ہمیشہ اپنے ارد گرد کے ماحول پر نظر رکھیں۔ کسی بھی لاوارث یا مشکوک چیز کو ہر گز ہاتھ نہ لگائیں بلکہ متعلقہ اداروں کو آگاہ کریں۔

گھروں میں ضرور فرسٹ ایڈ کٹ رکھیں۔گھروں میں ریسکیو کے چھوٹے اوزار گینتی ، بیلچہ، ہتھوڑی، سیڑھی، رسہ، ایمرجنسی لائٹ، آری ،کٹر وغیرہ لازمی رکھیں۔ شہریوں کو معلوم ہونا چاہیے کہ سائرن کی اونچی نیچی آواز خطرہ کے لیے ہوتی ہے اور لگاتا آواز امن کی نشانی ہے۔ سرحدی علاقہ جات کے لوگ گھروں کے ساتھ ایک مورچہ لازمی بنائیں جہاں دشمن کی طرف سے فائر کی صورت میں پناہ لی جا سکے ۔

مانے والے مون سون کے دوران دشمن حالیہ جنگی صورتحال کے بعد کوئی بھی مکاری کر سکتا ہے لہذا سب لوگ خود بھی اور بچوں کو بھی کسی ایسی چیز کو ہاتھ نہ لگائیں جو کہیں سے بہتی ہوئی آئے خدانخواستہ وہ کوئی بارودی مواد بھی ہو سکتا ہے جس سے جان جانے کا خطرہ ہو سکتا ہے ایسی صورت میں فوری طور پر سول ڈیفنس یا قانون نافذ کرنے والے اداروں کو آگاہ کریں ۔ ورکشاپ میں سائرن بجا کر شرکا کو مختلف مواقع پر بجنے والے سائرن کی تفصیلات سے آگاہ کیا گیا۔ ڈسٹرکٹ پریس کلب کے صدر عامر آزاد راٹھور نے اسسٹنٹ ڈائریکٹر سول ڈیفنس سردار تعظیم اختر اور ان کی پوری ٹیم کا شکریہ ادا کیا ۔