وزیر اعلی کی ہدایات پر سینیٹری ورکرز میں انعامی رقم تقسیم کرنیکا مرحلہ مکمل

لاہور سمیت تمام ڈویژنز میں 1لاکھ 16ہزار پے آرڈرز تقسیم کئے گئے

پیر 23 جون 2025 18:01

لاہور(اُردو پوائنٹ اخبارتازہ ترین - این این آئی۔ 23 جون2025ء)وزیر اعلی پنجاب مریم نواز شریف کی ہدایات پر صوبہ بھر کے سینیٹری ورکرز میں انعامی چیک تقسیم کرنے کا مرحلہ مکمل ہو گیا ۔

(جاری ہے)

وزیر اعلی پنجاب مریم نواز شریف کی جانب سے عید قربان پر بہترین کام کرنے پرہر سینٹری ورکر کیلئے 10 ہزار روپے کے انعام کا اعلان کیا گیا تھا۔لاہور سمیت تمام ڈویژنز میں 1لاکھ 16ہزار پے آرڈرز تقسیم کیے گئے ۔انعامی چیک کی تقسیم کے لیے ہفتہ اور اتوار کے روز تحصیل کی سطح پر تقریبات کا انعقاد کیا گیا۔محکمہ لوکل گورنمنٹ کے زیر اہتمام صوبہ بھر میں پے آرڈرز کی تقسیم شفاف طریقے سے مکمل کی گئی۔