ستمبر1965 کی جنگ کے 9ویں روزپاک فوج نے بھارت کو 3 محاذوں پر ناقابلِ فراموش شکست سے دوچار کیا،پاکستانی شاہینوں نے 81 بھارتی جہاز تباہ کئے

منگل 9 ستمبر 2025 15:13

اسلام آباد (اُردو پوائنٹ اخبارتازہ ترین - اے پی پی۔ 09 ستمبر2025ء) ستمبر1965 کی جنگ کے 9ویں روزپاک فوج نے بھارت کو 3 محاذوں پر ناقابلِ فراموش شکست سے دوچار کیا۔تفصیلات کے مطابق پاکستانی فوج نے نارووال کے قریب جسر پُل کا دفاع کرتے ہوئے بھارتی فوجوں کو شدید نقصان پہنچایا جس میں لیفٹیننٹ کلیم محمود نے بہادری سے لڑتے ہوئے شہادت پائی۔بھارتی انجینئرز کی ٹیم کو پاک فوج نے سونا مرگ کے مغربی مقام پر حملہ کر کے بھاری نقصان پہنچایا۔

(جاری ہے)

بھارتی پٹھان کوٹ اور جودھ پور ائیر بیس پاکستانی فوج کے ہاتھوں مکمل طور پر تباہ کر دیئے گئے ۔پاکستان شاہینوں کے ہاتھوں 28 بھارتی جہاز ہوا میں، 2 اینٹی ائیر کرافٹ گن سے، 36 زمین پر کھڑے اور اس کے علاوہ 15 جہاز کلائی کونڈا ائیر بیس پر تباہ کر دیئے گئے۔بھارت کو تمام محاذوں پر شکست کا سامنا تھا، بھارتی فوج پسپاء کا شکار ہورہی تھی ۔ستمبر1965 کی جنگ میں پاک فوج کے جوانوں نے ہمت اور دلیری کی نئی داستانیں رقم کیں۔