محرم الحرام کے انتظامات :ایڈیشنل کنٹرولر امیر الدین عباسی کی زیر صدارت سول ڈیفنس کا اجلاس

پیر 23 جون 2025 18:37

سکھر(اُردو پوائنٹ اخبارتازہ ترین - این این آئی۔ 23 جون2025ء)سول ڈیفنس کا اجلاس سول ڈیفنس آفس سکھر میں ایڈیشنل کنٹرولر امیر الدین عباسی کی صدارت میں منعقد ہوا۔محرم الحرام میں ہر سال کی طرح اس سال بھی عزادران حضرت امام حسین رضی اللہ تعالی عنہ کو ابتدائی طبی امداد دینے کے حوالے سے 5 محرم الحرام کو پرانہ سکھر اور 10 محرم الحرام کو سکھر میں فرسٹ ایڈ کیمپ لگائے جائیں گے۔

ڈپٹی چیف وارڈن ڈاکٹر سعید اعوان فرسٹ ایڈ کیمپس کے انچارج ہوں گے۔ تمام رضاکاروں کو طلب کر لیا گیا۔ڈیوٹی لیٹرز جاری کر دیئے گئے۔اجلاس میں گروپ وارڈن محمد احمد پوسٹ وارڈن آغا اکرم درانی،حاجی ریاض کھوکھر،شیخ محمد عدنان،حامد میمن،طاہر رانا،محمد یاسین،محمد زین, محمد ادریس کھوسو دیگر نے شرکت کی۔

(جاری ہے)

اجلاس سے خطاب کرتے ہو ئے ڈپٹی کنٹرولر امیر الدین عباسی نے کہا ہے کہ محرم الحرام کا مہینہ ہمیں صبر و تحمل اور برداشت کا درس دیتا ہے لہذا ہمیں کسی قسم کے شر پسند عناصر کی سرکوبی کیلئے متحد ہو کر اپنی ذمہ داری پوری کرنا ہو گی۔

ہنگامی حالات سے نمٹنے کے لئے سول ڈیفنس فوج سمیت دیگر اداروں کے شانہ بشانہ کھڑی ہے۔ رضاکار اللہ کی رضا کے لئے خدمت خلق انجام دیتے ہیں۔اللہ کی قربت حاصل کرنے کا بہترین زریعہ مخلوق خدا کی خدمت کرنا ہے۔سول ڈیفنس آرگنائزیشن آج کے دور میں خدمت خلق کا بہترین پلیٹ فارم ہے۔۔معاشرے میں بین العقائد ہم آہنگی کا قیام وقت کی ضرورت ہے۔ڈاکٹر سعید اعوان نے تمام رضاکاروں کو ہدایت کی کے محرم الحرام میں ارد گرد کے ماحول پر نظر رکھیں،شہری دفاع ہماری ذمہ داری ہے۔