سپورٹس ڈیپارٹمنٹ پنجاب کے زیر اہتمام سمر سپورٹس کیمپس نشترپارک سپورٹس کمپلیکس میں جاری

جمعرات 26 جون 2025 19:19

لاہور (اُردو پوائنٹ اخبارتازہ ترین - این این آئی۔ 26 جون2025ء)سپورٹس ڈیپارٹمنٹ پنجاب کے زیر اہتمام سمر سپورٹس کیمپس نشترپارک سپورٹس کمپلیکس میں جاری ہیں ، ایلیٹ ٹریننگ سنٹر میں باکسنگ، کنٹیکٹ باڈی سنٹر میں تائیکوانڈو، آرچری سنٹر میں آرچری ،جمنازیم ہال میں بیڈمنٹن اورٹیبل ٹینس ، پنجاب سٹیڈیم میں فٹ بال اور اتھلیٹکس، نیشنل ہاکی سٹیڈیم میں ہاکی کے کیمپ جاری ہیں ، ڈی جی سپورٹس پنجاب خضرافضال چودھری سمر سپورٹس کیمپس کی نگرانی کررہے ہیںانہوں نے نشترپارک سپورٹس کمپلیکس میں سمر سپورٹس کیمپس کے انتظامات کاجائزہ لیا۔

(جاری ہے)

جمعرات کے روز ایلیٹ ٹریننگ سنٹر میں تائیکوانڈو کے کیمپ میں کوچ رئیس الرحمان نے کھلاڑیوں کو ٹریننگ دی،تائیکوانڈو کیمپ میں 46گرلز اینڈ بوائز کھلاڑیوں کو تربیت دی جارہی ہے ،اتھلیٹکس کیمپ میں کوچ اعجاز احمد اور محمد نصیر نے کھلاڑیوں کو ٹریننگ دی، کوچز نے کھلاڑیوں کو تربیتی سیشنز میں لیکچرز بھی دیئے، باکسنگ کیمپ میں کوچ محمدایوب کھلاڑیوں کو ٹریننگ دے رہے ہیں جبکہ آرچری میں کوچ تیموررضا کھلاڑیوں کو تربیت دے رہے ہیں ،بیڈمنٹن کیمپ میں 60سے زائد گرلز اینڈ بوائز کھلاڑیوں کو مختلف سیشنز میں ٹریننگ جاری ہے،بیڈمنٹن کوچ زرینہ وقار نے مختلف ایج گروپس کے کھلاڑیوں کو ٹریننگ دی ، ٹیبل ٹینس میں سینئر کوچ یاسمین اختر نے کھلاڑیوں کو ٹریننگ دی جاری ہے ، پنجاب سٹیڈیم میں فٹبال کیمپ میں 84سے زائد گرلز اینڈ بوائز کھلاڑیوں کو ٹریننگ دی گئی ،کوچ شہزاد اصغر، محمد حفیظ اور شبانہ تبسم نے کھلاڑیوں کوتین سیشنز میں تربیت دی ہے ،کھلاڑیوں کو کھیل کے ساتھ جسمانی ایکسرسائز بھی کروائی گئیں،نیشنل ہاکی سٹیڈیم میں گرلز اینڈ بوائز ہاکی کیمپس بھی شروع ہوگئے،کوچز اسلم شاہ، اشرف جاوید، اصغر ڈوگر، حبیب الرحمن اور نرگس سعید نے کھلاڑیوں کو ٹریننگ دی ہے۔