گورنر خیبرپختونخوا کا دریائے سوات میں پانی کے تیز بہاؤ سے متعدد سیاحوں کے ڈوبنے کے حادثہ پرافسوس

جمعہ 27 جون 2025 21:48

پشاور(اُردو پوائنٹ اخبارتازہ ترین - این این آئی۔ 27 جون2025ء)گورنر خیبرپختونخوا فیصل کریم کنڈی نے وادی سوات میں دریائے سوات میں پانی کے تیز بہاؤ سے متعدد سیاحوں کے ڈوبنے کے حادثہ پرافسوس و رنج و غم کا اظہار کیا ہے۔

(جاری ہے)

گورنر نے حادثہ میں جاں بحق افراد کے لواحقین سے تعزیت اور غمزدہ خاندانوں سے دلی ہمدردی کا اظہار کرتے ہوئے کہا ہے کہ واقعہ انتہائی افسوسناک ہے، غمزدہ خاندانوں کے دکھ میں برابر کے شریک ہیں، گورنر نے کہا کہ ڈوبنے والے افراد کو بر وقت ریسکیو کیا جاسکتا تھا،محکمہ موسمیات کی بارشوں کی پیشنگوئی کو مدنظر رکھتے ہوئے ضلعی انتظامیہ کو نہ صرف دریائے سوات کنارے حفاظتی اقدامات کو یقینی بنانا چاہیے تھا بلکہ ملک بھر سے آئے ہوئے سیاحوں کی حفاظت بھی یقینی بنانا چاہئے تھی، اس قسم کے ناخوشگوار واقعات صوبہ میں سیاحتی سرگرمیوں کیلئے انتہائی تشویشناک ہیں۔