’’آر ایس ایس‘‘ ذات پات کی بنیاد پر امتیاز کرنے والی جماعت ہے، لالو پرساد

ان بدکردار لوگوں کو جمہوریت اور ڈاکٹر امبیڈ کر کے دستور سے اتنی نفرت کیوں ہی ،سابق وزیراعلیٰ کابیان

ہفتہ 28 جون 2025 15:05

پٹنہ(اُردو پوائنٹ اخبارتازہ ترین - این این آئی۔ 28 جون2025ء)بھارتی ریاست بہار کے سابق وزیر اعلیٰ اور راشٹریہ جنتا دل ( آر جے ڈی ) کے صدر لالو پرساد یادو نے آئین سے ’’ سیکولر اور سوشلسٹ ‘‘ کے الفاط ہذف کرنے کے بیان پر آر ایس ایس کو سخت تنقید کا نشانہ بنایا ہے۔ کشمیر میڈیاسروس کے مطابق لالو پرساد نے ’’ایکس ‘‘ پر ایک بیان میں آر ایس ایس کے سیکنڈ ان کمانڈدتاتریہ ہوسابلے کو انکے اس بیان کہ دستور سے ’’سیکولر اور سوشلسٹ‘‘ کے لفاظ ہٹا دیے جائیں ،آڑے ہاتھوں لیا ہے۔

(جاری ہے)

سابق وزیر اعلیٰ نے کہا کہ آرایس ایس ذات پات کی بنیادپر بھید بھائو( امتیاز) کرنے والی جماعت ہے ۔ انہوںنے کہا کہ نفرت پھیلانے والی آر ایس ایس نے دستور بدلنے کا مطالبہ کیا ہے۔ لالو پرشاد نے سوال کیا کہ ان بدکردار لوگوں کو جمہوریت اور ڈاکٹر امبیڈ کر کے دستور سے اتنی نفرت کیوں ہی ۔ لالو پرساد نے ایک ویڈیو بھی شیئر کی جس میںدتاتریہ ہوسابلے کو سیکولر اور سوشلسٹ الفاظ ہٹانے کا مطالبہ کرتے ہوئے سنا جاسکتا ہے۔انہوںنے کہا کہ دستور میں یہ الفاظ میںنہیں تھے بلکہ اندرا گاندھی نے یہ ایمرجنسی کے دوران اس میں جوڑے تھے۔