’’ستارے زمین پر‘‘ نے’’ گجنی‘‘ کو پیچھے چھوڑ دیا، نیا ریکارڈ قائم

فلم’’ ستارے زمین پر‘‘ اپنے دوسرے ہفتے کے اختتام تک 150 کروڑ روپے کے بینچ مارک کو حاصل کرلے گی،عامر خان

منگل 1 جولائی 2025 12:45

’’ستارے زمین پر‘‘ نے’’ گجنی‘‘ کو پیچھے چھوڑ دیا، نیا ریکارڈ قائم

ممبئی (اُردو پوائنٹ اخبارتازہ ترین - این این آئی۔ 01 جولائی2025ء)بالی ووڈ سپر اسٹار عامر خان کی فلم ستارے زمین پر نے فلم گجنی کو پیچھے چھوڑتے ہوئے نیا ریکارڈ قائم کر دیا۔ستارے زمین پر نے باکس آفس پر اپنے دوسرے اختتام ہفتہ میں شاندار بزنس کیا اور دس دنوں میں تقریبا 122 کروڑ روپے کمالیے۔ اس طرح اس فلم نے عامر خان کی چھٹی سب سے زیادہ بزنس کرنے والی فلم گجنی کی مجموعی آمدنی کا ریکارڈ توڑ دیا۔

واضح رہے کہ 2008 کی فلم گجنی نے مجموعی طور پر 232 کروڑ روپے کمائے تھے۔

(جاری ہے)

اب ستارے زمین پر کا اگلا ہدف ٹھگس آف ہندوستان ہے جس نے اپنے دوسرے ہفتے میں 151.3 کروڑ روپے کا بزنس کیا تھا۔ ستارے زمین پر نے اپنے دوسرے اتوار کو 14.50 کروڑ کی خالص آمدنی حاصل کی اور دس دنوں میں مجموعی طور 122.65 کروڑ کی کلیکشن کی ہے۔عامر خان کی اس فلم نے پہلے کے مقابلے میں اپنے دوسرے ہفتے میں کچھ کم آمدنی حاصل کی۔تاہم اسکی وجہ اسکرین شیئرنگ ہے کیونکہ اداکارہ کاجول کی فلم ماں 27 جون کو ریلیز ہوئی ہے۔ عامر خان کو امید ہے کہ فلم ستارے زمین پر اپنے دوسرے ہفتے کے اختتام تک 150 کروڑ روپے کے بینچ مارک کو حاصل کرلے گی۔