محکمہ صحت سندھ میں 12 ارب روپے کے گھپلوں کا انکشاف

منگل 1 جولائی 2025 17:04

کراچی(اُردو پوائنٹ اخبارتازہ ترین - این این آئی۔ 01 جولائی2025ء)محکمہ صحت سندھ میں 12 ارب روپے سے زائد کی مبینہ کرپشن اور بے ضابطگیوں کا انکشاف ہوا ہے۔آڈٹ رپورٹ میں انکشاف ہوا ہے کہ ڈاکٹر رتھ فائوسول اسپتال سے 36 کروڑ کی کینسرکی دوائیاں چوری ہوئیں ، یہ ادویات رتھ فائواسپتال کے کچھ ملازمین نے 2023 میں چوری کیں۔

(جاری ہے)

رپورٹ میں بتایا گیا کہ سپرنٹنڈنٹ اسپتال نے کینسر ادویات کی چوری کی تصدیق کر دی، ایک سٹاف نرس اور ڈسپنسر پر کینسر کی ادویات چوری کرنے کا شبہ تھا۔

آڈٹ رپورٹ میں کہا گیا ہے کہ کئی ماہ گزرجانے کے باوجود انتظامیہ نے کیس ایف آئی اے اورنیب کو تحقیقات کیلیے نہیں بھیجا، آڈٹ ٹیم نے معاملے کی تفصیلی انکوائری کرانے کی سفارش کی ہے۔رپورٹ میں ساڑھے نو ماہ نگران حکومت اوردو ماہ موجودہ سندھ حکومت کھاتوں کا آڈٹ دکھایا گیا ہے۔