غ*ویسٹ انڈیز اور آسٹریلیا کی ٹیموں کے درمیان دوسرا ٹیسٹ میچ آج سے شروع ہوگا

بدھ 2 جولائی 2025 20:25

جمیکا(اُردو پوائنٹ اخبارتازہ ترین - آن لائن۔ 02 جولائی2025ء)ویسٹ انڈیز اور آسٹریلیا کی کرکٹ ٹیموں کے درمیان تین ٹیسٹ میچوں پر مشتمل سیریز کا دوسرا میچ آج(جمعرات سی)نیشنل کرکٹ سٹیڈیم، سینٹ جارجز، گریناڈا میں شروع ہوگا۔مہمان آسٹریلوی ٹیم کو میزبان ویسٹ انڈیز ٹیم کے خلاف تین ٹیسٹ میچوں کی سیریز میں1-0 کی برتری حاصل ہے۔ کینگروز نے کین سنگٹن اوول، برج ٹان، بارباڈوس میں کھیلے گئے سیریز کے پہلے ٹیسٹ میچ میں ویسٹ انڈین ٹیم کو 159 رنز سے شکست دی تھی۔

آسٹریلیا کی مردوں کی قومی کرکٹ ٹیم ویسٹ انڈیز کے دورہ پر ہے جہاں وہ میزبان ٹیم کے خلاف 3 ٹیسٹ اور 5 ٹی ٹونٹی بین الاقوامی میچوں کی سیریز کھیلے گی۔ تین ٹیسٹ میچوں کی سیریز کا پہلا میچ کھیلا جا چکا ہے جو آسٹریلیا نے جیت لیا تھا۔

(جاری ہے)

ٹیسٹ سیریز میں آسٹریلوی کرکٹ ٹیم کو مایہ ناز آل رائونڈر پیٹ کمنز لیڈ کریں گے جبکہ میزبان ویسٹ انڈیز کی ٹیم کو روسٹن چیس لیڈ کریں گے۔

ویسٹ انڈیز اورآسٹریلیا کی ٹیموں کے درمیان 3 ٹیسٹ میچوں کی سیریز کا دوسرا ٹیسٹ میچ 3 سے 7 جولائی تک نیشنل کرکٹ سٹیڈیم، سینٹ جارجز، گریناڈا میں کھیلا جائے گا جبکہ تیسرا اور آخری ٹیسٹ میچ 12 سے 16 جولائی تک سبینا پارک، کنگسٹن، جمیکا میں کھیلا جائے گا۔ ٹیسٹ سیریز مکمل ہونے کے بعد آسٹریلوی ٹیم جمیکا پہنچے گی جہاں وہ میزبان ویسٹ انڈیز کے خلاف پانچ ٹی ٹونٹی میچوں کی سیریز کا پہلا میچ 21 جولائی کو سبینا پارک، کنگسٹن، جمیکا میں کھیلے گی۔دونوں ٹیموں کے درمیان دوسرا ٹی ٹونٹی میچ 23 جولائی کو جمیکا،تیسرا ٹی ٹونٹی میچ 26 جولائی کو سینٹ کٹس ،چوتھاٹی ٹونٹی میچ 27 جولائی کو سینٹ کٹس اور پانچواں اور آخری ٹی ٹونٹی میچ 29 جولائی کو سینٹ کٹس کے مقام پر ہی کھیلا جائے گا۔