جیکب آباد میں سڑکوں کی تعمیر پر 26کروڑ 89لاکھ سے زائدجون میں پیشگی ادائیگی کا انکشاف، کام صفر ، سرکاری خزانے کی دہڑلے سے لوٹ مار جاری

جمعرات 3 جولائی 2025 01:35

جیکب آباد(اُردو پوائنٹ اخبارتازہ ترین - این این آئی۔ 03 جولائی2025ء)جیکب آباد میں سڑکوں کی تعمیر پر 26کروڑ 89لاکھ سے زائدجون میں پیشگی ادائیگی کا انکشاف، کام صفر ، سرکاری خزانے کی دہڑلے سے لوٹمار جاری۔

(جاری ہے)

تفصیلات کے مطابق جیکب آباد ضلع میں سڑکوں کی تعمیر کے 12منصوبوں پر 26کروڑ 89لاکھ 27ہزار 841کی جون میں ایڈوانس ادائیگی کا انکشاف ہو اہے جبکہ سرزمین پر کام نہ ہونے کی شکایات سامنے آئی ہیںروڈ تعمیر مولاداد درگاہ رحمت پور سے قصبہ پنہل بروہی،بحالی روڈ دوداپور گڑھی خیرو روڈ ٹو قصبہ علی حسن بروہی وایہ حبیب اللہ بروہی ،قصبہ خاوند ڈنومہر ٹو قصبہ بھاول جعفری ،اللہ رکھیو قصبہ ٹو چھٹو لاشاری وایہ سکندر لاشاری ،انٹرنل روڈ قصبہ ارمان آباد کھوسو،روڈ تعمیر کوٹر شاخ پر قصبہ بخشن بروہی کے روڈ کی تعمیر ،بحالی روڈ جیکب آباد گڑھی خیرو روڈ ٹو قصبہ سعد اللہ جکرو،اللہ رکھیو عمرانی ڑو نظیر عمرانی ،بحالی روڈ جمع دستی ،لنک روڈ مین ٹھل دلمراد روڈ ٹو جانی واہ ،تعمیر ٹٖ پیورمختلف گلیاں وارڈ 23سخی نظیر احمد اور قصبہ عبدالفتاح سمیجو اور سجاد سرکی میں میڈیکل ڈسپینسری تعمیر پر کروڑ وں روپے نیو علی نواز ،نیو عرض محمد اینڈ برادرس،علی کنسٹرکشن ،عاشق علی اینڈ کنسٹرکشن،عزا کنٹرکشن،عبدالفتاح لاشاری ،نبی بخش،،ایم انور اینڈ کنسٹرکشن ،نیو جاوید لاشاری ،سندھو پارس ،دی ڈریم کو 26کروڑ 89لاکھ سے زائد ادائیگی کی گئی محمد ہاشم ،خادم ،اکبر علی اور دیگر نے جمع دستی اورگڑھی خیرو کے قصبہ اللہ رکھیو سے چھٹو لاشاری وایہ سکندر لاشاری پر ایک پتھر بھی نہیں اتارا گیا تو ٹھیکیدار کو تین کروڑ کس بنیاد پر ادا کئے گئے انہوں نے وزیر اعلی سندھ سید مراد علی شاہ ،وزیر ورکس اینڈ سروسز علی حسن زرداری ، نیب اور دیگر اداروں سے نوٹس لیکر معاملے کی تحقیقات کرانے اور ذمہ دار افسران اور ٹھیکیداروںکے خلاف کاروائی کا مطالبہ کیا ہے ۔