Live Updates

پاک سوزوکی نے بھی اپنی تمام گاڑیوں کی قیمتوں میں اضافہ کر دیا

قیمتوں میں18,810 روپے سی1,86,446 تک اضافہ کیا گیا

جمعرات 3 جولائی 2025 11:20

پاک سوزوکی نے بھی اپنی تمام گاڑیوں کی قیمتوں میں اضافہ کر دیا

لاہور(اُردو پوائنٹ اخبارتازہ ترین - این این آئی۔ 03 جولائی2025ء)پاک سوزوکی موٹرز کمپنی نے مالی سال 2025-26 کے وفاقی بجٹ میں نافذ کیے گئے نئے ٹیکس اقدامات کے تحت اپنی تمام گاڑیوں کی قیمتوں میں نظرثانی کر دی ہے۔ نوٹیفکیشن کے مطابق نئی قیمتوں میں فیڈرل ایکسائز ڈیوٹی ، سیلز ٹیکس اور نیو انرجی وہیکل لیوی شامل ہے، البتہ ایڈوانس انکم ٹیکس شامل نہیں کیا گیا۔

پاک سوزوکی نے واضح کیا ہے کہ قیمتوں میں یہ اضافہ صرف حکومتی ٹیکسوں کی بنیاد پر کیا گیا ہے اور کمپنی نے اپنی پروڈکشن یا آپریشنل لاگت میں کوئی اضافہ صارفین پر منتقل نہیں کیا۔

(جاری ہے)

نوٹیفکیشن کے مطابق آلٹو وی ایکس آر کی قیمت1,67,861 روپے اضافے سی29,94,861 روپے،آلٹو وی ایکس آر اے جی ایس 1,77,480 روپے اضافے سی31,66,480 روپے،آلٹو وی ایکس ایل اے جی ایس 1,86,446 روپے اضافے سی33,26,446 روپے، کلٹس وی ایکس آر 40,490 روپے اضافے سے نئی قیمت40,89,490 روپے،کلٹس اپ گریڈڈ وی ایکس ایل 43,160 روپے اضافے سی43,59,160 روپے،کلٹس اے جی ایس اپ گریڈڈ45,460 روپے اضافے سے 45,91,460 روپے،سوئفٹ جی ایل ایم ٹی 44,160 روپے اضافے سے نئی قیمت 44,60,160 روپے،سوئفٹ جی ایل سی وی ٹی 45,600 روپے اضافے سی46,05,600 روپے،سوئفٹ جی ایل ایکس سی وی ٹی 47,190 روپے اضافے سے نئی قیمت47,66,190 روپے،ایوی وی ایکس1,63,230 روپے اضافے سی29,12,230 روپے،ایوری وی ایکس آر 1,66,200 روپے اضافے سی29,65,200 روپے، راوی پک اپ 19,560 روپے اضافے سے نئی قیمت19,75,560 روپے، راوی ڈبلیو/او ڈیک18,810 روپے اضافے سے نئی قیمت18,99,810 روپے مقرر کی گئی ہے