یونان، جنگل میں آگ پھیلنے سے وسیع پیمانے پر نقل مکانی شروع

جمعرات 3 جولائی 2025 12:56

ایتھنز(اُردو پوائنٹ اخبارتازہ ترین - این این آئی۔ 03 جولائی2025ء)یونان کے جزیرے کریٹ میں جنگل میں آگ پھیلنے سے وہاں موجود لوگوں کو ہنگامی بنیادوں پر نکالا جا رہا ہے۔برطانوی میڈیا کے مطابق یونان کے جزیرے کریٹ کے جنگلات میں لگنے والی جنگل کی آگ قابو سے باہر ہوتی جارہی ہے۔

(جاری ہے)

تیز ہوائیں، جن کی شدت بیفورٹ اسکیل پر آٹھ درجے تک ریکارڈ کی گئی، آگ کے شعلوں کو جنوبی سمت میں تیزی سے پھیلانے کا سبب بنیں، جس سے فیول اسٹیشن، سیاحوں کے ریزورٹز اور دیگر رہائشی مکانات سمیت اہم انفراسٹرکچر کو خطرہ لاحق ہو گیا ہے۔

متاثرہ علاقوں میں دھوئیں کی موٹی تہہ کی وجہ سے حد نگاہ صفر پر جاچکی ہے۔وزارتِ صحت نے بتایا کہ ہنگامی صورتحال سے نمٹنے کے لیے کریٹ میں موجود تمام اسپتالوں کو ہنگامی تیار رہنے کا پیغام جاری کردیا گیا ہے ۔جزیرے پر موجود مختلف آبادیوں سے اب تک 1 ہزار 500 لوگوں جزیرے سے نکال لیا گیا گیا ہے۔