رہنمائوں میں عہدوں کی ہوس،تلنگانہ میں بی جے پی ٹوٹ پھوٹ کا شکار

تلنگانہ میں رام چندر را کو پارٹی صدر بنانے پر بی جے پی کے رہنما تھاکر راجہ سنگھ نے استعفا دے دیا

جمعرات 3 جولائی 2025 14:51

نئی دہلی (اُردو پوائنٹ اخبارتازہ ترین - این این آئی۔ 03 جولائی2025ء)تلنگانہ میں بی جے پی شدید اندرونی اختلافات اور خلفشار کا شکار ہو چکی ہے ، جس نے بھارتی حکمراں جماعت بی جے پی کو غیر مستحکم اور کمزور سیاسی جماعت بنا دیا ہے۔سفارتی ناکامیوں کے بعد مودی کی جماعت بی جے پی کے رہنما اقتدار اور عہدوں کی ہوس کا شکار ہو گئے ۔بھارتی ٹی وی کی رپورٹ کے مطابق تلنگانہ میں رام چندر را کو پارٹی صدر بنانے پر بی جے پی کے رہنما تھاکر راجہ سنگھ نے استعفا دے دیا۔

رام چندر را کو پارٹی صدر بنانے کے خلاف تھاکر راجہ سنگھ نے شدید احتجاج کیا ہے۔راجہ سنگھ شدید مایوسی کے بعد حمایتی کونسلرز کو دھمکیاں دینے پر اتر آئے۔ انہوں نے اپنے استعفے میں لکھا کہ لاکھوں کارکنوں کو نظرانداز کیا جا رہا ہے۔

(جاری ہے)

علاوہ ازیں راجہ سنگھ نے یہ بھی الزام عائد کیا کہ پارٹی کے بعض سینئر رہنما ذاتی مفادات کی بنیاد پر فیصلے کر رہے ہیں اور کارکنوں کی رائے کو نظر انداز کر رہے ہیں۔

انہوں نے کہا کہ بی جے پی میں قربانیاں دینے والوں کو دھتکارا جا رہا ہے۔ بی جے پی کے اندر اقتدار کے لالچی لوگ تلنگانہ میں پارٹی کو کامیاب نہیں دیکھنا چاہتے۔راجا سنگھ تیسری بار گوشا محل سے ایم ایل اے منتخب ہوئے ہیں، مگر اب پارٹی قیادت سے نالاں ہیں۔تلنگانہ میں قیادت پر اختلافات بی جے پی کی ٹوٹ پھوٹ اور مرکز کی ناکامی کو بے نقاب کرتے ہیں۔ راجہ سنگھ کو معطل کرکے انتخابات سے قبل بحال کرنا اور بعد میں نظر انداز کرنا ،یہ بی جے پی کی مفاد پرستی ہے۔