ترکیہ میں مشترکہ مشقیں’اناطولین‘ اختتام پذیر، سعودی عرب کی شرکت

پیر 7 جولائی 2025 08:40

انقرہ (اُردو پوائنٹ اخبارتازہ ترین - اے پی پی۔ 07 جولائی2025ء) ترکیہ میں اناطولین مشترکہ مشقیں اختتام پذیر ہو گئیں، سعودی بحریہ کے ویسٹرن فلیٹ کے دوسرے خصوصی میرین ٹائم سکیورٹی گروپ نے شرکت کی۔

(جاری ہے)

وزارت دفاع کے ایکس اکاونٹ پر جاری بیان میں کہا گیا کہ اس کا مقصد خصوصی آپریشنز میں فوجی تعاون کو بڑھانا، صلاحیتوں کو مربوط کرنا اور مشقوں میں شریک 24 ملکوں کی فورسز کے ساتھ مہارت کا تبادلہ کرنا تھا۔ میرین فورسز نے خصوصی تربیتی مشقیں کیں، جن میں لائیو ایمبونیشن شوٹنگ، لینڈنگ آپریشنز، فری فال جمپنگ اور حملے شامل ہیں۔ان مشقوں میں ڈرون کے ذریعے جاسوسی مشن، خطرناک علاقوں کو محفوظ بنانے کی تربیت اور انسداد دہشت گردی کے آپریشنز شامل تھے۔