بابر اعظم سے متعلق کمنٹ صرف ہنسی مذاق تھا،غلط مطلب نکالا گیا، کرس ووکس

پاکستانی فینز بہت جذباتی ہوتے ہیں : انگلش آل رائونڈر

ذیشان مہتاب پیر 7 جولائی 2025 10:56

بابر اعظم سے متعلق کمنٹ صرف ہنسی مذاق تھا،غلط مطلب نکالا گیا، کرس ووکس

لندن (اردو پوائنٹ تازہ ترین اخبار ۔ 7 جولائی 2025ء ) انگلش ٹیسٹ کرکٹر کرس ووکس نے بابر اعظم پر کیے تبصرے کنگ بابر کی وضاحت کر دی۔

کرس ووکس نے ایک پوڈ کاسٹ کے دوران وضاحت کرتے ہوئے کہا کہ وِیان ملڈر کی انسٹاگرام پوسٹ پر کنگ بابر لکھنا مذاق تھا، جنوبی افریقی لیگ میں ویان ملڈر کےساتھ کھیل رہا تھا، ملڈر کو پاکستانی فینز انسٹاگرام پر کنگ بابر لکھ کر تنگ کر رہے تھے، ہم دوست بھی ہنسی مذاق میں بار بار کنگ بابر کہتے تھے۔

(جاری ہے)

کرس ووکس کا مزید کہنا تھا کہ کنگ بابر کمنٹ کرنے پر بابر فینز نے مجھے بھی نشانے پر لے لیا، بابر اعظم سے متعلق کمنٹ صرف ہنسی مذاق تھا، غلط مطلب نکالا گیا، پاکستانی فینز بہت جذباتی ہوتے ہیں۔