برطانوی ہائی کمشنر کا لیاری میں کثیرالمنزلہ عمارت کے منہدم ہونے کے واقعے پر گہرے دکھ اور افسوس کا اظہار

پیر 7 جولائی 2025 17:25

کراچی(اُردو پوائنٹ اخبارتازہ ترین - این این آئی۔ 07 جولائی2025ء)برطانوی ہائی کمشنر نے لیاری میں کثیرالمنزلہ عمارت کے منہدم ہونے کے واقعے پر گہرے دکھ اور افسوس کا اظہار کیا ہے۔

(جاری ہے)

برطانوی ہائی کمشنر جین میریٹ نے سماجی رابطے کی ویب سائٹ ایکس (سابقہ ٹوئٹر)پر اپنے پیغام میں کہا کہ لیاری واقعے میں المناک جانی نقصان پر گہرا دکھ ہوا ہے۔انہوں نے متاثرہ خاندانوں سے مکمل ہمدردی کا اظہار کرتے ہوئے کہا کہ وہ بہادر ریسکیو ورکرز کے ساتھ کھڑی ہیں جنہوں نے مشکل ترین حالات میں انتھک محنت سے امدادی کارروائیاں انجام دیں۔