الیکشن کمیشن اپنے اختیارات سے تجاوز کر رہا ہے‘ مسرت جمشید چیمہ

پیر 28 جولائی 2025 21:06

لاہور(اُردو پوائنٹ اخبارتازہ ترین - این این آئی۔ 28 جولائی2025ء) پاکستان تحریک انصاف کی سینئر رہنما مسرت جمشید چیمہ نے کہا ہے کہ الیکشن کمیشن پی ٹی آئی کے بطور فریق کام کر رہا اور اپنے اختیارات سے تجاوز کر رہا ہے ۔

(جاری ہے)

انہوں نے ایکس پر اپنے ردعمل کا اظہار کرتے ہوئے کہا کہ الیکشن کمیشن سپریم کورٹ کے 90دن میں انتخابات کروانے والے فیصلے کو نہیں مانتا، مخصوص نشستیں تحریک انصاف کو دینے والے فیصلے کو نہیں مانتا لیکن جیسے ہی ناحق سزائیں دی گئیں، الیکشن کمیشن نے بغیر کسی نوٹس کے سینیٹر اعجاز چوہدری،اپوزیشن لیڈر پنجاب اسمبلی ملک احمد خان پھجر اور احمد چٹھہ کو نااہل قرار دے دیا۔

مسرت جمشید چیمہ نے کہا کہ الیکشن کمیشن ایک آئینی ادارہ ہے لیکن وہ تحریک انصاف کے بطور فریق کام کر رہا اور اپنے اختیارات سے تجاوز کر رہا۔