چینی کی قیمتیں قابو سے باہر، اوپن مارکیٹ میں فی کلو 200 روپے تک جا پہنچی

پیر 7 جولائی 2025 22:14

لاہور (اُردو پوائنٹ اخبارتازہ ترین - آن لائن۔ 07 جولائی2025ء) شہر میں چینی کی قیمتوں میں کمی نہ آ سکی، اوپن مارکیٹ میں چینی 190 سے 200 روپے فی کلوگرام میں فروخت ہو رہی ہے، جبکہ یوٹیلیٹی اسٹوروں پر چینی دستیاب ہی نہیں۔مارکیٹ ذرائع کے مطابق شوگر ملز مالکان کے وہ دعوے جو ایکسپورٹ کی اجازت کے باوجود مقامی قیمتوں کے مستحکم رہنے سے متعلق تھے، غلط ثابت ہوئے ہیں۔

(جاری ہے)

واضح رہے کہ ایکسپورٹ کی اجازت سے قبل مقامی مارکیٹ میں چینی 140 سے 145 روپے فی کلو میں فروخت ہو رہی تھی، مگر جیسے ہی حکومت نے چینی کی برآمد کی اجازت دی، قیمتوں نے پر پُرزے نکال لیے۔گزشتہ تین ماہ سے چینی 190 روپے فی کلو پر ٹریڈ ہو رہی ہے، جبکہ پیکنگ شدہ چینی 200 روپے فی کلو میں فروخت کی جا رہی ہے۔ یوٹیلیٹی اسٹورز پر چینی کی کمی بدستور برقرار ہے، جس سے عام شہری شدید متاثر ہو رہے ہیں۔مارکیٹ ماہرین کا کہنا ہے کہ قیمتوں میں اضافے کی بنیادی وجہ برآمدی پالیسی، ذخیرہ اندوزی اور مارکیٹ میں مصنوعی قلت ہے۔ حکومت کو چاہیے کہ وہ قیمتوں کو کنٹرول کرنے کیلئے فوری اقدامات کرے، بصورت دیگر عام آدمی کی مشکلات میں مزید اضافہ ہو سکتا ہے۔

Facebook Twitter Google + Share on Whatsapp

چینی کی قیمتیں قابو سے باہر، اوپن مارکیٹ میں فی کلو 200 روپے تک جا پہنچی

متعلقہ عنوان :

مزید تجارتی خبریں