تورغر، پولیس کا سرکل کنڈر حسن زئی میں سرچ اینڈ سٹرائیک آپریشن کا انعقاد

منگل 8 جولائی 2025 16:12

ایبٹ آباد (اُردو پوائنٹ اخبارتازہ ترین - اے پی پی۔ 08 جولائی2025ء) تورغر، امن وامان کی صورتحال کو برقرار رکھنے کے لئے سرکل کنڈر حسن زئی کی حدود میں پولیس کی جانب سے سرچ اینڈ سٹرائیک آپریشن کیا گیا۔ ترجمان تورغر پولیس کے مطابق ڈی پی او سید مختار شاہ کی ہدایات پر ضلع بھر میں مجرمان اشتہاریوں اور جرائم پیشہ عناصر کے خلاف سرچ اینڈ سٹرائیک آپریشنز کا سلسلہ جاری ہے۔

(جاری ہے)

ڈی ایس پی سرکل کنڈر حسن زئی راجہ خان کی زیرنگرانی ایس ایچ اوز کی قیادت میں سی ٹی ڈی٬ ڈی ایس بی٬ بی ڈی یو، ایلیٹ فورس اور دیگر پولیس اہلکاروں نے سرچ اینڈ سٹرائیک میں حصہ لیا۔ سرچ آپریشن سرکلر کنڈر کی حدود میں مختلف مقامات پر کیا گیا، جس کا مقصد معاشرے میں امن و امان کی فضا کو برقرار رکھنا، شرپسندوں اور جرائم پیشہ عناصر، غیرقانونی اسلحہ اور ملک دشمن عناصر کا خاتمہ کرنا ہے۔ ڈی پی او تورغر سید مختار شاہ کی ہدایات کے مطابق ضلع بھر میں سرچ آپریشنز کا سلسلہ جاری رکھا جائے گا تاکہ امن و امان کی صورتحال کو مستحکم بنایا جا سکے۔