sکاہنہ میں ذاتی رنجش پر فائرنگ، ملزم چند گھنٹوں میں گرفتار

ح*بیوی سے تعلقات کے شبہ پر فائرنگ، رضوان زخمی، ڈی آئی جی کا فوری نوٹس

منگل 8 جولائی 2025 21:40

‘لاہور (اُردو پوائنٹ اخبارتازہ ترین - آن لائن۔ 08 جولائی2025ء) تھانہ کاہنہ کی حدود میں ذاتی تنازع پر فائرنگ کا واقعہ پیش آیا جس میں ملزم ارسلان نے رضوان پر گولیاں چلا دیں۔ ترجمان ڈی آئی جی آپریشنز کے مطابق فائرنگ گزشتہ رات ہوئی، جس میں ملزم نے بیوی سے ناجائز تعلقات کے شبہ میں رضوان پر تین فائر کیے، جن میں سے ایک گولی اس کی ٹانگ پر لگی۔

زخمی رضوان کو فوری طور پر طبی امداد کے لیے اسپتال منتقل کیا گیا، جہاں اس کی حالت خطرے سے باہر بتائی جا رہی ہے۔

(جاری ہے)

واقعہ کی اطلاع ملتے ہی ڈی آئی جی آپریشنز فیصل کامران نے فوری ایکشن لیتے ہوئے ملزم کی گرفتاری کا حکم دیا۔ چند گھنٹوں میں پولیس ٹیم نے بروقت کارروائی کرتے ہوئے ملزم ارسلان کو گرفتار کر لیا اور آلہِ واردات بھی برآمد کر لیا گیا۔ڈی آئی جی آپریشنز نے ایس ایچ او تھانہ کاہنہ اور ان کی ٹیم کو فوری رسپانس اور کامیاب کارروائی پر شاباش دی۔ انہوں نے کہا کہ قانون ہاتھ میں لینے والوں کے لیے حوالات ہی ان کی اصل جگہ ہے۔ پولیس ترجمان کے مطابق ملزم کے خلاف قانون کے مطابق سخت کارروائی کی جا رہی ہے۔