زرعی ترقیاتی بینک کی پبلک اکاؤنٹس کمیٹی اجلاس سے متعلق میڈیا رپورٹ پر وضاحت

منگل 8 جولائی 2025 22:10

اسلام آباد(اُردو پوائنٹ اخبارتازہ ترین - این این آئی۔ 08 جولائی2025ء)زرعی ترقیاتی بینک نے پبلک اکاؤنٹس کمیٹی اجلاس سے متعلق میڈیا رپورٹ پر وضاحت جاری کی ہے۔

(جاری ہے)

ترجمان زرعی ترقیاتی بینک نے کہا کہ جلے ہوئے قرضہ فائلز سے متعلق موقف غلط پیش کیا،2007 میں محترمہ بینظیر بھٹو کی شہادت کے بعد مظاہرین نے 27ہزار 537قرضہ فائل جلا دی تھیں۔وضاحتی بیان میں ترجمان نے کہاکہ وقت کے ساتھ جلائی گئی فائلز دوبارہ تیار کی گئیں، اب صرف 5ہزار 201باقی رہ گئی ہیں۔ترجمان نے کہا کہ باقی جلی ہوئی 5,201اور گمشدہ 790فائلز پر قابل وصول رقم 1اعشاریہ 167ارب روپے ہے، اوسطاً فی کسان قرضہ صرف 1اعشاریہ 95لاکھ روپے ہے، تمام قرضے چھوٹے کسانوں کو دئیے گئے تھے۔