بیٹی کے سسرالی خاندان کے جھگڑے پر باپ نے خود کو اور بیٹی کو گولی مار لی

باپ فرمان اور بیٹی نسیم کو زخمی حالت میں ہسپتال منتقل کر دیا گیا، تحقیقات جاری

جمعرات 10 جولائی 2025 16:36

لاہور(اُردو پوائنٹ اخبارتازہ ترین - این این آئی۔ 10 جولائی2025ء)کاہنہ کے علاقے میں بیٹی کے سسرالی خاندان کے جھگڑے پر باپ نے خود کو اور بیٹی کو گولی مار کر زخمی کر لیا۔پولیس حکام کے مطابق ملزم فرمان اور بیٹی نسیم کو زخمی حالت میں جنرل ہسپتال منتقل کردیا گیا ۔

(جاری ہے)

بتایا گیا ہے کہ ملزم فرمان کی بیٹی نسیم کو سسرالیوں نے طلاق دے کر میکے بھجوادیا تھا ، لڑکی کاسابقہ شوہراورسسرالی دوبارہ جھگڑاکرنے آئے ،فرمان نے جھگڑے میں خودکواور بیٹی کوفائرنگ کرکے زخمی کرلیا۔ترجمان پولیس کا کہنا ہے کہ واقعے کی مزید تفتیش جاری ہے۔