آئرلینڈکے سائیکلسٹ بین ہیلی نے ٹور ڈی فرانس سائیکل ریس کا چھٹا مرحلہ جیت لیا

جمعہ 11 جولائی 2025 08:20

پیرس (اُردو پوائنٹ اخبارتازہ ترین - اے پی پی۔ 11 جولائی2025ء) آئرلینڈکے سائیکل سواربین ہیلی نے ٹور ڈی فرانس سائیکل ریس کا چھٹا مرحلہ جیت لیا۔ فرانس کے شمالی حصے کے ایک شہر للی سے ٹورڈی فرانس سائیکل ریس کے 112 ویں ایڈیشن کا آغاز ہوچکا ہے۔ جس میں دنیا بھر کی سائیکلنگ کی 23ٹیموں کے نامور سائیکل سوار ٹائٹل کے حصول کے لئے کوشاں ہیں۔ ٹور ڈی فرانس سائیکل ریس کے چھٹے مرحلے میں سائیکل سواروں نے فرانس میں بئیوسے ویر نارمنڈی تک کا فاصلہ طے کرنا تھا جو پہاڑی رستے پر 201.5 کلو میٹر پر محیط تھا ۔

24سالہ آئرش سائیکل سوار بین ہیلی نے عمدہ سائیکلنگ کا مظاہرہ کرتے ہوئے 201.5 کلومیٹر کا فاصلہ 4 گھنٹے 24منٹ اور 10 سیکنڈز میں طے کرکے پہلی پوزیشن حاصل کی۔24 سالہ امریکی سائیکلسٹ کوئن سیمنزنے چھٹے رائونڈ میں دوسری پوزیشن حاصل کی جبکہ 28سالہ آسٹریلوی سائیکلسٹ مائیکل سٹوررنے تیسری پوزیشن حاصل کی۔

(جاری ہے)

نیدرلینڈز کے سائیکل سوار میتھیو وین ڈیر پوئل نے دوبارہ یلوجرسی حاصل کر لی ہے۔

نیدرلینڈز کے سائیکل سوار میتھیو وین ڈیر پوئل جنہوں نے ریس کا دوسرا مرحلہ جیتنے کے ساتھ بیلجیئم کے سائیکلسٹ جیسپر فلپسن سے یلو جرسی بھی چھین لی تھی پانچویں مرحلے میں ان سے سلووینیاکے سائیکل سواراور ایونٹ کے دفاعی چیمپئن تڈیج پوگاآر نے یلو جرسی حاصل کرلی تھی تاہم چھٹے رائونڈ کے اختتام پر انہوں نے دوبارہ یلوجرسی حاصل کرلی ہے ۔

ٹور ڈی فرانس سائیکل ریس 21 مرحلوں پر محیط ہوگی جس میں سائیکل سوار 3338.8کلو میٹر کا سفر طے کریں گے ۔ ٹور ڈی فرانس سائیکل ریس میں 232 ٹیمیں ٹائٹل کے حصول کے لئے ایکشن میں ہیں ۔ ٹور ڈی فرانس سائیکل ریس 24 روز جاری رہنے کے بعد 27 جولائی کو اختتام پذیر ہوگی۔ ٹور ڈی فرانس سائیکل ریس میں ٹیم یواے ای ایمرٹس ایکس آر جی کے 26 سالہ سلوسینیا کے سائیکلسٹ تڈیج پوگاآر اپنے اعزاز کا دفاع کے لئے کوشاں ہیں ۔ ٹور ڈی فرانس سائیکل ریس کا پہلا ایڈیشن پہلی مرتبہ 1903میں ہوا جو فرانسیسی سائیکل سوار مورس فرانسس گارین نے جیتا تھا۔\932