ملالہ یوسف زئی اپنی28ویں سالگرہ(آج)12جولائی ہفتہ کو منائیں گی

جمعہ 11 جولائی 2025 10:45

ٹھٹھہ صادق آباد(اُردو پوائنٹ اخبارتازہ ترین - این این آئی۔ 11 جولائی2025ء) امن کا نوبل پرائزحاصل کرنے والی پاکستانی ملالہ یوسف زئی اپنی28ویں سالگرہ(آج)12جولائی ہفتہ کو منائیں گی۔ملالہ یوسف زئی12جولائی1997ء کو پاکستان کے صوبہ خیر پختونخواہ کے علاقہ مینگورہ میں پیدا ہوئیں ملالہ یوسفزئی نے آکسفورڈ یونیورسٹی برطانیہ سے اپنی تعلیم مکمل کی ہے۔

(جاری ہے)

ملالہ یوسفزئی انسانی حقوق ،خواتین کی تعلیم کے سلسلے میں سرگرم عمل ہے وہ کسی بھی شعبے میںنوبل انعام حاصل کرنے والے دنیا کی سب سے کم عمر فرد ہیں۔10اکتوبر2014ء کو ملالہ یوسفزئی کو بچوں اور نوجوانوں کے حقوق کیلئے جدوجہد کرنے پر نوبل انعام برائے امن سے نوازا گیا سترہ برس کی عمر میں نوبل انعام حاصل کرنے والی وہ کم عمر ہونے کا اعزاز بھی رکھتی ہیں ۔