اللہ بخش آرٹ گیلری الحمرا میں مقابلہ مصوری کا انعقاد

جمعہ 11 جولائی 2025 16:51

لاہور (اُردو پوائنٹ اخبارتازہ ترین - اے پی پی۔ 11 جولائی2025ء) اللہ بخش آرٹ گیلری الحمرا میں مقابلہ مصوری کا انعقاد کیا گیا۔بس برینڈنگ اور لوگو ڈیزائن کے موضوع پر منعقدہ مقابلہ کا اہتمام سپیشل ایجوکیشن ڈیپارٹمنٹ اور لاہور آرٹس کونسل الحمرا کی مشترکہ پیشکش تھی۔لوگو ڈیزائن کے موضوع پر بشیر حیدر، فاحد الرحمان اور حلیمہ سعدیہ نے نمایاں پوزیشن حاصل کی جبکہ بس برینڈنگ کے موضوع پر عبد المہین،مدینہ اور فاطمہ سرفہرست رہیں۔

(جاری ہے)

نامور آرٹسٹوں محمد عاطف خان،پروفیسر سمیرا جواد، سروش طارق نے مقابلہ مصوری میں شرکت کرنے والے آرٹسٹوں کے کام کا بغور جائزہ لیا اور نمایاں پوزیشن حاصل کرنے والوں کے ناموں کا انتخاب کیا،مقابلہ مصوری نہایت خوبصورت ماحول میں سجایا گیا،آرٹسٹوں نے اللہ بخش آرٹ گیلری میں بڑھ چڑھ کر اپنے فن کا مظاہرہ کیا اور مقابلہ کو چار چاند لگائے۔چیئرمین الحمرا رضی احمد اور ایگزیکٹوڈائریکٹر الحمرا توقیر حیدر کاظمی نے مقابلہ جیتنے والوں کو مبارکباد پیش کی،مقابلہ مصوری میں 14اور اس سے زائد کے عمر کے 100سے زائد آرٹسٹوں نے شرکت کی،مقابلہ مصوری کا تھیم بہت متاثر کن تھا جسے آرٹسٹوں نے بے حد پسند کیا۔

متعلقہ عنوان :