Live Updates

پنجاب میں سیلاب سے متاثرہ علاقوں کے صارفین کیلئے مفت کالنگ سہولت میں توسیع

اتوار 31 اگست 2025 14:50

پنجاب میں سیلاب سے متاثرہ علاقوں کے صارفین کیلئے مفت کالنگ سہولت میں ..
اسلام آباد (اُردو پوائنٹ اخبارتازہ ترین - این این آئی۔ 31 اگست2025ء)پاکستان ٹیلی کمیونیکیشن اتھارٹی (پی ٹی ای) نے بتایا کہ پنجاب میں سیلاب متاثرین کے لیے مفت وائس منٹس کی سہولت میں توسیع کر دی گئی ہے۔

(جاری ہے)

میڈیا رپورٹ کے مطابق پاکستان ٹیلی کمیونیکیشن اتھارٹی نے کہا کہ موبائل آپریٹرز کے تعاون سے سیلاب زدگان کے لیے خصوصی ریلیف اقدامات کو یقینی بنایا گیا ہے جس کے تحت متاثرہ اضلاع میں صارفین کو مفت کالنگ کی سہولت دستیاب ہوگی، پی ٹی اے کے مطابق صارفین اکاؤنٹ بیلنس صفر ہونے کے باوجود کال کر سکیں گے۔

جاری بیان میں کہا گیا کہ اس سہولت سے سیلاب سے متاثرہ عوام ایمرجنسی خدمات ادا کرنے والے اداروں اور اہل خانہ سے رابطے میں رہ سکیں گے۔پاکستان ٹیلی کمیونیکیشن اتھارٹی نے بتایا کہ متاثرہ علاقوں میں مواصلاتی خدمات کی مسلسل نگرانی جاری ہے جب کہ روابط میں کسی قسم کا تعطل نہیں آنے دیا جائے گا۔
Live سیلاب کی تباہ کاریاں سے متعلق تازہ ترین معلومات