حمیرا سے میری بات واٹس ایپ پر ہو تی تھی ، مئی 2024 میں حمیرا نے آخری بار فلیٹ کا کرایہ ادا کیا تھا،مالک مکان

دسمبر میں فلیٹ حمیرا کو 40 ہزار کرائے پر دیا تھا، 2019 میں معاہدہ ختم ہو رہا تھا اور کرایا بھی بڑھانا تھا، حمیرا اصغر کو معاہدے کی تجدید اور کرائے بڑھانے کا 2 سے 3 بار کہا، حمیرا اصغر مسلسل رابطے میں نہیں آرہی تھیں، میرواعظ

ہفتہ 12 جولائی 2025 20:40

کراچی(اُردو پوائنٹ اخبارتازہ ترین - این این آئی۔ 12 جولائی2025ء)اداکارہ حمیرا اصغر کے فلیٹ کے مالک میر واعظ نے کہا ہے کہ حمیرا سے میری بات واٹس ایپ پر ہو تی تھی ، مئی 2024 میں حمیرا نے آخری بار فلیٹ کا کرایہ ادا کیا تھا اور وہ کرایہ بڑھا رہی تھی نہ ہی فلیٹ خالی کر رہی تھیں ۔خصوصی گفتگو کرتے ہوئے فلیٹ کے مالک میر واعظ نے کہا کہ 2018 دسمبر میں فلیٹ حمیرا کو 40 ہزار کرائے پر دیا تھا، 2019 میں معاہدہ ختم ہو رہا تھا اور کرایا بھی بڑھانا تھا، حمیرا اصغر کو معاہدے کی تجدید اور کرائے بڑھانے کا 2 سے 3 بار کہا، حمیرا اصغر مسلسل رابطے میں نہیں آرہی تھیں، حمیراصغر کے پڑوسیوں سے جھگڑے کی 2 شکایات ملیں، وہ فلیٹ کا مینٹینس ادانہیں کررہی تھی،جھگڑا بھی کرتی تھیں۔

فلیٹ مالک نے کہاکہ حمیرا کو فلیٹ خالی کرنے کا کہا تو انہوں نے انکار کر دیا تھا، 2021میں کیس داخل کیا،کیس چلتا رہا،حمیرا نوٹس وصول نہیں کرتی تھی، 2023ستمبر میں عدالت نے میرے حق میں فیصلہ دیا، عدالت سے فیصلہ آنے کے باوجود حمیرا نے نہ فلیٹ خالی کیا نہ کرایا بڑھایا، حمیرا اصغر سے میری واٹس ایپ پر ہی بات ہوتی تھی،وہ کرایا بھیجنے کے بعد اسکرین شارٹ شیئر کر دیتی تھیں، 2024مئی میں حمیرا نے آخری بار فلیٹ کا کرایہ ادا کیا۔

(جاری ہے)

انہوں نے کہا کہ 2سی3ماہ انتظار کے بعد میں نے دوبارہ سول کورٹ سے رابطہ کیا، 8نوماہ بعد سول کورٹ کا فیصلہ آیا، 8جولائی کومجسٹریٹ کے ساتھ فلیٹ پہنچے تو لاش ملی۔