یونین کونسل گوجرہ میں محکمہ بہبودِ آبادی کی جانب سے ڈور ٹو ڈور رجسٹریشن و آگاہی مہم جاری

اتوار 13 جولائی 2025 15:55

مظفرآباد (اُردو پوائنٹ اخبارتازہ ترین - این این آئی۔ 13 جولائی2025ء)یونین کونسل گوجرہ میں محکمہ بہبودِ آبادی کے زیر اہتمام ڈور ٹو ڈور رجسٹریشن اور آگاہی مہم بھرپور انداز میں جاری ہے،یہ مہم ضلعی پاپولیشن ویلفیئر آفیسر راجہ اسد الرحمٰن کی خصوصی ہدایت پر شروع کی گئی ہے، جس کی نگرانی سوشل موبلائزر صہیب الفیصل مغل اور تسلیم شفیق کر رہے ہیں۔

مہم کا مقصد عوام الناس کو صحت و صفائی، ماں اور بچے کی صحت، اور بچوں کے درمیان مناسب وقفے کے حوالے سے شعور دینا ہے۔ اس سلسلے میں فلاحی مرکز گوجرہ کی ٹیم علاقہ کے مختلف گھروں میں جا کر رجسٹریشن کا عمل انجام دے رہی ہے اور شہریوں کو مفید معلومات فراہم کی جا رہی ہیں۔سوشل موبلائزرز نے مقامی معززین اور برادری کے دیگر نمائندوں کو بریفنگ بھی دی، جس میں انہیں مہم کی اہمیت سے آگاہ کرتے ہوئے اس میں فعال کردار ادا کرنے کی اپیل کی گئی۔

(جاری ہے)

معززین علاقہ نے محکمہ بہبودِ آبادی کی کاوش کو سراہتے ہوئے اسے وقت کی اہم ضرورت قرار دیا۔اس موقع پر سوشل موبلائزر صہیب الفیصل مغل اور تسلیم شفیق نے میڈیا سے گفتگو کرتے ہوئے کہا کہ معاشرے میں تیزی سے بڑھتی ہوئی آبادی ایک سنجیدہ مسئلہ ہے جس پر قابو پانے کے لیے عوام میں شعور بیدار کرنا ناگزیر ہے۔ محکمہ بہبودِ آبادی اس مقصد کے لیے بھرپور انداز میں سرگرمِ عمل ہے اور یہ پیغام گھر گھر پہنچایا جا رہا ہے۔''انہوں نے مزید کہا کہ عوام کے تعاون سے نہ صرف آبادی میں توازن قائم کیا جا سکتا ہے بلکہ آنے والی نسلوں کے لیے ایک صحت مند اور بہترمعاشرہ بھی تشکیل دیا جا سکتا ہے۔

Facebook Twitter Google + Share on Whatsapp

یونین کونسل گوجرہ میں محکمہ بہبودِ آبادی کی جانب سے ڈور ٹو ڈور رجسٹریشن و آگاہی مہم جاری

مزید کشمیر کی خبریں