اسلام آباد میں بھی غیر قانونی کال سنٹر پرچھاپہ، 5 غیر ملکی گرفتار

ریکارڈ قبضے میں لے لیا، سائبریونٹ کا سہولت کاروں کیخلاف بھی کارروائی کاعندیہ

پیر 14 جولائی 2025 11:58

اسلام آباد(اُردو پوائنٹ اخبارتازہ ترین - این این آئی۔ 14 جولائی2025ء)اسلام آباد میں غیر قانونی کال سنٹر پر این سی سی آئی اے کا چھاپہ، 5 غیر ملکی باشندے گرفتار، ریکارڈ قبضے میں لے لیا گیا، ایجنسی کا ایسے کاروبار کرنیوالوں کے سہولت کاروں کیخلاف بھی کارروائی کا اعلان۔

(جاری ہے)

تفصیلات کے مطابق سائبر کرائمز کے خاتمے کیلیے بنائے گئے ادارے نیشنل سائبر کرائم انویسٹی گیشن ایجنسی (این سی سی آئی ای) نے گزشتہ روز اسلام آباد کے جی-10 مرکز میں ایک غیر قانونی کال سینٹر پر کامیاب چھاپہ مارا، جہاں پانچ غیر ملکی باشندے اور 60 سے زائد پاکستانی لڑکے اور لڑکیاں کام کر رہے تھے۔

کارروائی کے دوران تمام پانچوں غیر ملکی باشندوں کو گرفتار کر لیا گیا۔گرفتار کئے گئے افراد غیر قانونی کال سنٹر چلانے میں ملوث تھے۔