راولپنڈی ،محکمہ موسمیات نے راولپنڈی میں شدید بارشوں کی پیشگوئی کرتے ہوئے سیلابی صورتحال کا خدشہ ظاہر کیا ہے،کمشنر

پیر 14 جولائی 2025 23:18

راولپنڈی (اُردو پوائنٹ اخبارتازہ ترین - اے پی پی۔ 14 جولائی2025ء) کمشنر راولپنڈی ڈویژن انجینئر عامر خٹک نے کہا کہ محکمہ موسمیات نے راولپنڈی میں شدید بارشوں کی پیشگوئی کرتے ہوئے 15 جولائی سے 31 اگست تک سیلابی صورتحال کا خدشہ ظاہر کیا ہے۔اس حوالے سے شہر میں رین ایمرجنسی نافذ کر دی گئی ہے اور انتظامی اداروں کو ہائی الرٹ کر دیا گیا ہے۔ انہوں نے کہ واسا عملے کی چھٹیاں منسوخ کر دی ہیں۔

واسا شہر بھر خصوصا نشیبی علاقوں سے پانی کا فوری اخراج یقینی بنائے گا۔ انہوں نے ہدایت کی کہ راولپنڈی کنٹونمنٹ بورڈ و چکلالہ کنٹونمنٹ بورڈز کو اس ضمن میں خصوصی طور پر آن بورڈ لیا جائے۔ کمشنر راولپنڈی نے مزید کہا کہ نالہ لئی کی ڈیجیٹل مانیٹرنگ کی جا رہی ہے اور عوام کو صورتحال سے بروقت آگاہی دی جارہی ہے۔

(جاری ہے)

کمشنر آفس راولپنڈی میں منعقدہ اس اجلاس میں ایڈیشنل کمشنر کوآرڈینیشن سید نذارت علی، ڈپٹی کمشنر مری، ایڈیشنل ڈپٹی کمشنر جنرل ڈاکٹر حسان طارق، ریسکیو 1122 آفیسر صبغت اللہ، سول ڈیفنس، ڈیزاسٹر مینجمنٹ اتھارٹی و دیگر متعلقہ افسران نے شرکت کی۔

اس موقع پر بریفنگ دیتے ہوئے کمشنر راولپنڈی کو بتایا گیا کہ ضلعی انتظامیہ کی جانب سے سیلابی صورتحال کے لئے ماک ایکسرسائز کی جا چکی ہے۔ راولپنڈی میں 7 فلڈ ریلیف کیمپس بھی قائم کر دیے ہیں جس میں خوراک، پانی، دوا، رہائش، سکیورٹی کی سہولت ہے۔ اس کے علاوہ نالہ لئی اور دیگر برساتی نالوں کی 24/7 نگرانی کی جاری ہے جب کہ سیلابی صورتحال کے پیش نظر مرکزی کنٹرول روم بھی قائم کیا گیا ہے۔ ریسکیو 1122، واسا اور دیگر اداروں کو ہائی الرٹ کیا گیا ہے۔ متعلقہ اداروں کو کشتیاں اور لائف جیکٹس فراہم کر دی ہیں نیز نشیبی علاقوں کے قریب سرکاری اسکولوں میں ریلیف کیمپ بھی قائم کیے گئے ہیں۔\378

متعلقہ عنوان :