ٹرمپ کی روس سے تجارتی روابط رکھنے والے ممالک کو پابندیاں عائد کرنے کی دھمکی

منگل 15 جولائی 2025 21:54

واشنگٹن (اُردو پوائنٹ اخبارتازہ ترین - این این آئی۔ 15 جولائی2025ء)امریکی صدر ڈونلڈ ٹرمپ نے روسی تیل خریدنے والے ممالک کو پابندیاں عائد کرنے کی دھمکی دے دی۔ڈونلڈ ٹرمپ نے یوکرین کو پیٹریاٹ ایئر ڈیفنس سسٹمز فراہم کرنے کا اعلان کرتے ہوئے روس کو دھمکی دی ہے کہ اگر 50 دنوں میں امن معاہدے پر راضی نہیں ہوتا تو روس پر 100 فیصد ٹیرف عائد کر دیا جائے گا۔

(جاری ہے)

انہوں نے دنیا بھر کے ممالک کو خبردار کرتے ہوئے کہا کہ اگر روس کے ساتھ تجارتی روابط ختم نہ کیے تو روس کے ساتھ ساتھ ان پر بھی 100 فیصد ٹیرف عائد کیا جائے گا۔اس حوالے سے وائٹ ہائوس کے ایک افسر نے کہا کہ یہ اقدامات روس کے امن معاہدے پر رضامند نہ ہونے کی صورت میں لاگو کیے جائیں گے۔انہوں نے کہا کہ روسی برآمد خریدنے والے ممالک کو 50 دن کی مہلت دی جائے گی اور اس کے بعد پابندیاں عائد ہوں گی۔