بہبود آبادی کمیٹی روم میں صوبہ بھر کے تمام ضلعی افسران کا سہ ماہی کارگردگی کے حوالے سے ایک اہم اجلاس

منگل 15 جولائی 2025 23:41

پشاور(اُردو پوائنٹ اخبارتازہ ترین - این این آئی۔ 15 جولائی2025ء)وزیر اعلیٰ خیبر پختونخوا کے معاون خصوصی برائے بہبود آبادی ملک لیاقت خان کی زیر صدرات بہبود آبادی کمیٹی روم میں صوبہ بھر کے تمام ضلعی افسران کا سہ ماہی کارگردگی کے حوالے سے ایک اہم اجلاس منعقد ہوا۔اجلاس میں تمام اضلاع کے ضلعی پاپولیشن افسران بزریعہ ویڈیو لنک شریک ہوئے۔اس موقع پر سیکرٹری پاپولیشن انیلہ محفوظ درانی،ڈی جی پاپولیشن ریحان گل خٹک،پراجیکٹ ڈائریکٹر ہدایت اللہ خان،ڈائریکٹر سید عمران علی شاہ،ڈائریکٹر ضم اضلاع سید عثمان شاہ،اور دیگر متعلقہ حکام نے شرکت کی۔

حکام نے معاون خصوصی کو متعلقہ اضلاع میں محکمہ بہبود آبادی کی جانب سے عوام کو دی جانے والے سروسز کے بارے میں تفصیلی طور پر آگاہ کیا۔

(جاری ہے)

ملک لیاقت خان نے حکام سے کہا کہ محکمہ میں اصلاحات لانے کے لئے بروقت ٹھوس اقدامات اٹھانے کی ضرورت ہے۔گڈ گورننس پر توجہ دیکر عوام کی خدمت کیلئے دن رات محنت کی ضرورت ہے۔غیر تسلی بخش کارگردگی دکھانے والے ضلعی افسران کیخلاف تادیبی کاروائی عمل میں لائیں گے۔

اُنہوں نے مزید کہا کہ فیمیل پلاننگ پر عملدرآمد کیلئے ضلعی حکام عوا م میں شعور وآگہی پیدا کرنے کیلیے اقدامات اٹھائیں۔ملک لیاقت خان نے آئندہ ماہ مختلف ڈویژن میں ضلعی دفاتر کا دورہ کرنے کا بھی عندیہ دیا۔اس موقع پر حکام نے ریجنل ٹریننگ انسٹیٹیوٹ ایبٹ آباد پشاور،ملاکنڈاور مختلف ٹریننگ کورسز بارے تفصیلی بریفنگ دی۔