ملک گیر شٹرڈاؤن کی تیاریاں مکمل ، ہڑتال ملتوی ہوگی نہ منسوخ،کراچی چیمبر

افواہیں پھیلانے والے کاروباری برادری کے خیر خواہ نہیں، یہ گمراہ کن عناصر ہیں، صدر کے سی سی آئی جاوید بلوانی

بدھ 16 جولائی 2025 17:04

کراچی (اُردو پوائنٹ اخبارتازہ ترین - این این آئی۔ 16 جولائی2025ء)صدر کراچی چیمبر جاوید بلوانی نے کہا ہے کہ ملک گیر شٹرڈاؤن کی تیاریاں مکمل ہیں، ہڑتال ملتوی ہوگی نہ منسوخ۔میڈیا کے نمائندوں سے گفتگو کرتے ہوئے کراچی چیمبر آف کامرس اینڈ انڈسٹری جاوید بلوانی نے کہا کہ ہڑتال کے ملتوی یا منسوخی کی افواہیں پھیلانے والے عناصر کا ہڑتال سے کوئی تعلق نہیں ہے۔

ملک گیرشٹرڈاون ہڑتال ہفتہ 19 جولائی شیڈول کے مطابق ہی ہوگی، نہ ملتوی ہوگی نہ منسوخ۔انہوں نے کہا کہ ملک گیر ہڑتال کی کال برقرار ہے، تاجربرادری پوری تیاری کے ساتھ ہڑتال کرے گی۔ یہ فیصلہ چاروں صوبوں کے بڑے چیمبرز سے مشاورت کے بعد کیا گیا ہے۔ اگر ہڑتال مخر یا منسوخ کرنی پڑی تو یہ فیصلہ بھی تمام چیمبرز کی مشاورت ہی کے بعد ہوگا۔

(جاری ہے)

جاوید بلوانی نے کہا کہ اس حوالے سے کسی بھی فیصلے کا باضابطہ اعلان تمام پارٹنر چیمبرز کی موجودگی میں مشترکہ پریس کانفرنس میں کیا جائے گا۔

افواہیں پھیلانے والے کاروباری برادری کے خیر خواہ نہیں، یہ گمراہ کن عناصر ہیں۔ تاجر، دکاندار، صنعتکار، سب ہڑتال میں ساتھ دیں، یہ ملک و قوم کے وسیع تر مفاد کا معاملہ ہے۔انہوں نے مزید کہا کہ عوام وکاروباری برادری افواہوں پر کان نہ دھریں، ہڑتال کی خبریں درست اور حتمی ہیں۔ ملک گیر ہڑتال کا فیصلہ متفقہ مشاورت کا نتیجہ ہے، اسے سبوتاژ کرنے کی کوئی کوشش کامیاب نہیں ہوں گی۔

Facebook Twitter Google + Share on Whatsapp

ملک گیر شٹرڈاؤن کی تیاریاں مکمل ، ہڑتال ملتوی ہوگی نہ منسوخ،کراچی چیمبر

افواہیں پھیلانے والے کاروباری برادری کے خیر خواہ نہیں، یہ گمراہ کن عناصر ہیں، صدر کے سی سی آئی جاوید بلوانی

متعلقہ عنوان :

مزید تجارتی خبریں