دمشق میں اسرائیلی ڈرون حملہ، شامی فوجی ہیڈکوارٹر نشانہ، 2 شہری زخمی

بدھ 16 جولائی 2025 19:31

دمشق(اُردو پوائنٹ اخبارتازہ ترین - این این آئی۔ 16 جولائی2025ء) اسرائیل نے شام کے دارالحکومت دمشق میں فوجی ہیڈکوارٹر کے داخلی دروازے کو ڈرون حملے میں نشانہ بنایا، جس میں شامی میڈیا کے مطابق دو شہری زخمی ہوئے۔

(جاری ہے)

اسرائیلی دفاعی افواج نے تصدیق کی کہ یہ حملہ بدھ کے روز کیا گیا، اور کہا کہ وہ جنوبی شام میں دروز شہریوں پر جاری کارروائی پر گہری نظر رکھے ہوئے ہیں۔اسرائیلی فوج کے بیان میں کہا گیاکہ فوج سیاسی قیادت کی ہدایت پر دمشق اور اطراف میں کارروائیاں کر رہی ہے، اور مختلف خطرات کے لیے تیار ہے۔