شام میں فریقین نے جھڑپیں ختم کرنے پر اتفاق کرلیا، مارکو روبیو

شام میں لڑنے والے مختلف گروپوں سے رابطہ کیا ہے، مخصوص اقدامات پر اتفاق کرلیا گیا ہے،گفتگو

جمعرات 17 جولائی 2025 13:18

شام میں فریقین نے جھڑپیں ختم کرنے پر اتفاق کرلیا، مارکو روبیو

واشنگٹن (اُردو پوائنٹ اخبارتازہ ترین - این این آئی۔ 17 جولائی2025ء)امریکی وزیر خارجہ مارکو روبیو نے کہا ہے کہ شام میں لڑنے والے فریقین کا جھڑپیں ختم کرنے پر اتفاق ہوا ہے۔اپنے بیان میں انہوں نے کہا کہ شام میں لڑنے والے مختلف گروپوں سے رابطہ کیا ہے، مخصوص اقدامات پر اتفاق کرلیا گیا ہے۔مارکو روبیو کا کہنا تھا کہ یہ اقدامات شام میں خوفناک صورتحال کو ختم کردیں گے، تمام شامی فریقین کو اپنے وعدوں پر عمل کرنا ہوگا۔

(جاری ہے)

واضح رہے کہ شام میں بدو قبیلے کے ہاتھوں دروز قبیلے کے تاجر کے اغوا سے شروع ہوئے فسادات فرقہ وارانہ شکل اختیار کر گئے ہیں، جہاں جھڑپوں میں ہلاکتوں کی تعداد 203 ہو گئی ہے۔دروز کے اکثریتی شہر سویدا میں جاری لڑائی میں شامی فوج دروز قبائل کو نشانہ بنا رہی ہے۔سویدا میں شدید لڑائی کے بعد اسرائیلی فوج نے شام کے دارالحکومت دمشق میں اہم مقامات پر حملہ کیا۔اسرائیلی فضائیہ نے شام کے دارالحکومت دمشق پر حملہ کیا، جس میں صدارتی محل اور وزارتِ دفاع کے قریب بم باری کی گئی۔