راولپنڈی ، محکمہ وائلڈ لائف کی کارروائی میں نایاب پرندے برآمد

�لزمان گرفتار، 2لاکھ سے زائد جرمانہ عائد،محکمہ وائلڈلائف

بدھ 16 جولائی 2025 21:55

راولپنڈی(اُردو پوائنٹ اخبارتازہ ترین - این این آئی۔ 16 جولائی2025ء)راولپنڈی میں وائلڈ لائف ڈیپارٹمنٹ نے جنگلی چڑیوں کے غیرقانونی شکار کے خلاف کارروائی کرتے ہوئے 4ہزار سے زائد نایاب پرندے بازیاب کر لیے جبکہ 7ملزمان کو گرفتار کرکی2لاکھ سے زائد جرمانہ عائد کردیاگیا۔ذرائع کے مطابق وائلڈ لائف حکام کو اطلاع ملی تھی کہ شہر کے نواحی علاقے میں بڑی تعداد میں جنگلی پرندوں کا غیرقانونی شکار کیا جا رہا ہے۔

(جاری ہے)

وائلڈ لائف حکام نے اطلاع پر رات گئے چھاپہ مارا جہاں مختلف اقسام کی چڑیاں، مینا اور دیگر پرندے غیرقانونی طور پر قید پائے گئے۔تمام بازیاب پرندوں کو بعد ازاں فطری ماحول میں واپس چھوڑ دیا گیا، جبکہ ملزمان کے خلاف قانونی کارروائی شروع کر دی گئی ہے۔محکمہ وائلڈ لائف کے ترجمان کے مطابق غیرقانونی شکار اور جنگلی حیات کی تجارت پر کسی صورت سمجھوتہ نہیں کیا جائے گا اور اس سلسلے میں مزید چھاپے بھی متوقع ہیں۔