صنم سعید کی سالوں بعد ٹی وی اسکرین پر واپسی

اداکارہ نے سوشل میڈیا پر ٹی وی اسکرین پر واپسی کا اعلان کیا ہے

جمعرات 17 جولائی 2025 11:33

صنم سعید کی سالوں بعد ٹی وی اسکرین پر واپسی

لاہور (اُردو پوائنٹ اخبارتازہ ترین - این این آئی۔ 17 جولائی2025ء)ورسٹائل اداکارہ صنم سعید نے برسوں بعد ٹی وی اسکرین پر واپسی کا اعلان کر دیا وہ جلد نئے ٹی وی ڈرامہ میں منٹو نہیں ہوں میں اداکاری کرتی دکھائی دیں گی۔ یہ اعلان صنم سعید نے اپنے آفیشل انسٹاگرام پر ماضی کے ڈراموں کی جھلک پیش کرتے ہوئے کیا۔ وہ اب سے کچھ وقت قبل ڈرامہ سیریل دوسرا چہرہ میں جلوہ گر ہوئی تھیں۔

جس کے بعد اب وہ میں منٹو نہیں ہوں میں اداکاری کے جوہر دکھائیں گی۔ جبکہ آخری مرتبہ صنم 2019 میں اپنے مشہور ڈرامے دیدن میں دکھائی دی تھیں جس کے بعد وہ ٹی وی اسکرین سے چند برسوں کیلئے دور ہوگئیں تاہم اب مداحوں کو ان کے شاندار کم بیک کی امید ہے۔ اپنی انسٹاگرام پوسٹ میں ماضی کے یادگار کرداروں کو یاد کرتے ہوئے اداکارہ نے لکھا کہ وہ ایک نئے اور منفرد کردار میں طویل وقفے کے بعد دوبارہ ٹی وی اسکرین پردوبارہ آنے والی ہیں۔

(جاری ہے)

انہوں نے میں منٹو نہیں ہوں میں اپنے کردار کے بارے میں بھی بتایا۔ صنم نے لکھا کہ وہ جلد ہی میں منٹو نہیں ہوں میں مس ماریہ کے کردار میں نظر آئیں گی، اور انہیں امید ہے کہ مداحوں کو ان کا کردار بیحد پسند آئے گا۔یاد رہے کہ حال ہی میں اداکارہ صنم سعید اور محب مرزا کے ہاں پہلے بچے کی پیدائش ہوئی ہے۔ اداکارہ نے کچھ عرصہ قبل ہی ساتھی اداکار محب مرزا سے شادی کا انکشاف کیا تھا۔