دکھتی نہیں ہوں16سال کی ، منفی تبصروں سے تکلیف ہوتی ہے، عنیا آصف

جمعرات 17 جولائی 2025 19:15

کراچی (اُردو پوائنٹ اخبارتازہ ترین - این این آئی۔ 17 جولائی2025ء) اداکارہ عینا آصف نے کہا ہے کہ میں بظاہر اپنی عمر سے بڑی دکھائی دیتی ہوں لیکن میں ہوں تو 16سال کی بچی، لوگوں کے منفی تبصرے مجھ پر اثر انداز ہوتے ہیں۔ایک انٹرویو میں عینا آصف نے کہا کہ میری عمر کسی سے ڈھکی چھپی نہیں ہے، پہلے ڈرامے کے وقت 14 برس کی تھی اور اب 16سال کی ہوں، جب سب کو یہ معلوم ہے تو سوشل میڈیا پر تبصرہ کرتے ہوئے اس بات کا خیال رکھنا چاہیے۔

(جاری ہے)

اداکارہ نے افسوس کا اظہار کرتے ہوئے کہا کہ مجھے افسوس ہوتا ہے جب لوگ میرے کام کی بجائے میری عمر، رنگ یا جسامت پر تبصرہ کرتے ہیں انہیں سوچنا چاہیے ۔ انہوں نے کہا کہ سوشل میڈیا پر ہر کوئی میرا مذاق اڑا رہا ہے اور میری توہین کی جا رہی ہے، کہا جا رہا ہے کہ 16سال کی نہیں نظر آتی جس وجہ سے میری ذہنی صحت بھی متاثر ہوئی، میں 16 سال کی ہوں، میرا ذہن بھی 16سال والا ہی ہے، ایسے تبصرے پڑھ کر مجھے تکلیف ہوتی ہے کہ لوگ میری اداکاری کو نہیں دیکھتے۔ایک سوال کے جواب میں انہوں نے ماضی میں دیے گئے اپنے بیان کی وضاحت کرتے ہوئے کہا کہ مجھے ذہنی صحت کے حوالے سے بات کرتے ہوئے الفاظ کے چنائو کا خیال رکھنا چاہیے تھا۔