انگلینڈ اور سویڈن کے درمیان یوئیفا ویمنزفٹ بال چیمپئن شپ کا دوسرا کوارٹر فائنل میچ (جمعہ کو )کھیلا جائے گا

جمعرات 17 جولائی 2025 16:19

زیورخ (اُردو پوائنٹ اخبارتازہ ترین - اے پی پی۔ 17 جولائی2025ء) یونین آف یورپین فٹ بال ایسوسی ایشن کے زیر اہتمام سوئٹزرلینڈ میں جاری یوئیفا ویمنز فٹ بال چیمپئن شپ کا کوارٹر فائنل رائونڈ جاری ہے۔ چیمپئن شپ کی دفاعی چیمپئن انگلینڈ اور سویڈن کی ویمنز فٹ بال ٹیموں کے درمیان دوسرا کوارٹر فائنل میچ کل (جمعہ کو) کھیلا جائے گا۔ یوئیفا ویمنزفٹ بال چیمپئن شپ کے میچز کا سلسلہ سوئٹزرلینڈ میں جاری ہے جو اپنے اختتامی مراحل کی طرف بڑی تیزی کے ساتھ گامزن ہے ،جس میں شائقین فٹ بال کو انتہائی دلچسپ اور کانٹے دار مقابلے دیکھنے کو مل رہے ہیں۔

میگا ایونٹ کا دوسرا کوارٹر فائنل میچ کل جمعہ کوسٹیڈیون لیٹزگرنڈ، زیورخ کے مقام پر آمنے سامنے ہوں گی۔دوسرے کوارٹر فائنل میچ میں دفاعی چیمپئن انگلینڈ اور سویڈن کی ٹیمیں سیمی فائنل رائونڈ کے لئے پنجہ آزمائی کریں گی۔

(جاری ہے)

دوسرے کوارٹر فائنل میچ میں سپین سے تعلق رکھنے والی مارٹا ہورٹا ڈی آزا میچ ریفری ہوں گی ۔یوئیفا ویمنزفٹ بال چیمپئن شپ کا تیسرا کوارٹر فائنل میچ سپین اور میزبان سوئٹزرلینڈ کی ویمنز ٹیموں کے درمیان کھیلا جائے گاجبکہ چوتھا اور آخری کوارٹر فائنل میچ میں فرانس اور جرمنی کی خواتین ٹیموں کے درمیان 19 جولائی کو کھیلا جائے گا۔

چیمپئن شپ کا پہلا سیمی فائنل میچ 22 جولائی جبکہ دوسرا سیمی فائنل میچ 23 جولائی کو کھیلا جائے گا۔ یوئیفا ویمنزفٹ بال چیمپئن شپ کا فائنل میچ 27 جولائی کو کھیلا جائے گا۔\932