برطانوی ٹینس پلیئر ٹارا مور کی 4 سالہ پابندی کی سزا بحال

کھیلوں کی عالمی ثالثی عدالت نے انٹرنیشنل ٹینس انیٹیگریٹی ایجنسی کی اپیل کو تسلیم کرلیا

جمعرات 17 جولائی 2025 20:36

لندن (اُردو پوائنٹ اخبارتازہ ترین - این این آئی۔ 17 جولائی2025ء)برطانوی ٹینس کھلاڑی ٹارا مور کو ڈوپنگ پر 4 برس پابندی کی سزا مل گئی۔کھیلوں کی عالمی ثالثی عدالت (سی اے ایس) نے انٹرنیشنل ٹینس انیٹیگریٹی ایجنسی کی اپیل کو تسلیم کرلیا۔

(جاری ہے)

اس سے قبل، ایک غیرجانبدار ٹربیونل نے انھیں بری کر دیا تھا، مور کا اصرار تھا کہ ان کے جسم میں پائی جانے والے ممنوعہ اجزا کا سبب آلودہ گوشت کھانا بنا تھا۔ماضی میں برطانیہ کی ڈبل نمبر ون پلیئر رہنے والی مور کو جون 2022 میں عبوری طور پر معطل کیا گیا تھا، تاہم عدالتی پینل ان کے پیش کردہ وضاحت سے مطمئن نہیں ہو سکا۔ٹارا مور پر 4 برس پابندی کا اطلاق 15 جولائی سے 2028 تک رہے گا۔