پبلک اکاؤنٹس کی ذیلی کمیٹی کی سیلز ٹیکس فراڈ میں ملوث ایف بی آر افسران کے خلاف کارروائی کی سفارش

جمعرات 17 جولائی 2025 22:30

اسلام آباد(اُردو پوائنٹ اخبارتازہ ترین - آن لائن۔ 17 جولائی2025ء) پبلک اکاؤنٹس کی ذیلی کمیٹی نے سیلز ٹیکس فراڈ میں ملوث ایف بی آر افسران کے خلاف کارروائی کی سفارش کی ہے۔جمعرات کو ذیلی کمیٹی کا اجلاس کنوینر سید نوید قمر کی زیر صدارت پارلیمنٹ ہائوس میں منعقد ہوا۔ اجلاس میں اراکین کمیٹی کے علاوہ چیئرمین ایف بی آر سمیت آڈیٹر جنرل اور دیگر حکام نے شرکت کی اجلاس میں ایف بی آر سے متعلق سال 2011/12 سے 2022/23 تک کے آڈٹ اعتراضات کا جائزہ لیا گیا اجلاس میں 18 ارب کی سیلز ٹیکس کی کم وصولی سے متعلق آڈٹ اعتراض کے حوالے سے آڈٹ حکام نے بتایا کہ محکمہ آج بھی 11 ارب کی وصولی مان رہا ہے جس پر چیئرمین کمیٹی نے کہاکہ ایف بی آر کے اپنے لوگ بھی اس فراڈ میں ملوث ہیں جس پر چیئرمین ایف بی آرنے کہاکہ یہ فراڈ کے کیسز ہیں، کریمنل سائیڈ پر اس کو حل ہونا ہے۔

(جاری ہے)

انہوں نے کہاکہ فیک انوائسز کو روکنے کے دو طریقے ہیں رکن کمیٹی منزہ حسن نے کہاکہ رپورٹ کے مطابق 16 ایف بی آر فیلڈ آفیسز اس میں ملوث تھے ان کے خلاف کیا کاروائی کی گئی۔ کمیٹی نے معاملہ آئندہ کے لئے موخر کردیا کمیٹی کو آڈٹ حکام نے بتایا کہ 41ارب سے زیادہ کے بقایاجات کی ریکوری نہ ہونے سے متعلق آڈٹ اعتراضات کے بارے میں ایف بی آر نے کوئی انکوائری رپورٹ ہم سے شیئر نہیں کی ہے جس پر چیئرمین ایف بی آر نے کمیٹی کو یقین دہانی کرائی کہ اس معاملے پر ایکشن لیں گے جس پر کمیٹی نے معاملہ دوبارہ ڈی اے سی کے سپرد کردیا۔

اجلاس میں آڈٹ حکام نے بتایا کہ بھٹہ مالکان سے 6 ارب سے زیادہ سیلز ٹیکس کی ریکوری نہ ہونے سے متعلق آڈٹ اعتراضات چل رہے ہیں لیکن یہ رقم ریکور نہیں ہورہی ہے جس پر چیئرمین ایف بی آر نے کمیٹی کو بتایا کہ اس سلسلے میں ریکوری ہورہی ہے اور3.7 بلین تک ہم آڈٹ کو مطمئن کر چکے ہیں کمیٹی نے معاملہ دوبارہ ڈی اے سی کے سپرد کردیا۔۔۔۔۔۔۔اعجاز خان

Facebook Twitter Google + Share on Whatsapp

پبلک اکاؤنٹس کی ذیلی کمیٹی کی سیلز ٹیکس فراڈ میں ملوث ایف بی آر افسران کے خلاف کارروائی کی سفارش

متعلقہ عنوان :

مزید کشمیر کی خبریں