رائل چیلنجرز کی فاتحانہ ریلی میں بھگدڑ کی رپورٹ پبلک کرنے کا حکم

جمعرات 17 جولائی 2025 22:56

نئی دہلی (اُردو پوائنٹ اخبارتازہ ترین - آن لائن۔ 17 جولائی2025ء)کرناٹکا ہائیکورٹ نے آئی پی ایل ٹائٹل فتح کے بعد بنگلور اسٹیڈیم کے باہر جشن میں ہونے والی بھگدڑ سے متعلق رپورٹ عوام کے لیے جاری کرنے کا حکم دے دیا۔بھگدڑ کے واقعے میں 11 افراد ہلاک اور 56 زخمی ہوگئے تھے۔

(جاری ہے)

ریاستی حکومت نے یہ رپورٹ مہر بند لفافے میں پیش کرنے کی درخواست کی مگر عدالت نے اس کی مخالفت کی۔عدالت نے کہا کہ اس میں قومی سلامتی، عوامی مفاد یا نجی رازداری کا کوئی جواز نہیں ہے۔عدالت نے مزید واضح کیا کہ رپورٹ کو صرف ریاستی حکام تک محدود رکھنا غیر منصفانہ ہوگا۔