کمشنر لورالائی ڈویژن سعادت حسن سے ایکسین سی اینڈ ڈبلیو تعمیرات ضلع لورالائی احمد دین کی ایس ڈی او محمد انور لونی کے ہمراہ ملاقات

جمعرات 17 جولائی 2025 19:40

کوئٹہ (اُردو پوائنٹ اخبارتازہ ترین - اے پی پی۔ 17 جولائی2025ء) کمشنر لورالائی ڈویژن سعادت حسن سے ایکسین سی اینڈ ڈبلیو تعمیرات ضلع لورالائی احمد دین نے ایس ڈی او محمد انور لونی کے ہمراہ ملاقات کی۔ انہوں نے کمشنر لورالائی ڈویژن کو ضلع بھر میں مختلف علاقوں میں حال ہی میں مکمل شدہ اور جاری ترقیاتی منصوبوں کی تفصیلات سے آگاہ کیا۔

(جاری ہے)

کمشنر لورالائی ڈویژن سعادت حسن نے اس موقع پر کہا کہ ترقیاتی منصوبوں کی جلد تکمیل موجودہ حکومت کی ترجیح ہے، اس لئے سال کے پہلے ہی دن ایک حصہ بجٹ ریلیز کیا گیا تاکہ ترقیاتی منصوبوں کی تکمیل میں مدد ملے ۔

کمشنر نے کہاکہ سرکاری فنڈ امانت ہے ،اس کا صحیح استعمال نہایت ضروری ہے، متعلقہ افسران کی ذمہ داری ہے کہ اس کی سخت نگرانی کریں اور غیر معیاری کام نہ ہونے دیں ۔انہوں نے جاری منصوبوں کا بقیہ کام بھی جلد مکمل کرنے کی ہدایت کی۔ کمشنر نے کہاکہ کسی بھی رکاوٹ کی صورت میں انتظامیہ ہر ممکن تعاون کرے گی۔