Live Updates

یوٹیلٹی سٹورزکارپوریشن کی بندش کیخلاف ملازمین کا پارلیمنٹ ہاؤس کے سامنے دھرنے کا اعلان

جمعرات 17 جولائی 2025 21:25

اسلام آباد (اُردو پوائنٹ اخبارتازہ ترین - این این آئی۔ 17 جولائی2025ء)یوٹیلٹی اسٹورز کارپوریشن کی بندش کیخلاف ملازمین نے مطالبات منظور نہ ہونے پر 21جولائی کو پارلیمنٹ ہاوس کے سامنے دھرنے کا اعلان کردیا ۔جمعرات کو یوٹیلٹی سٹورز کاروپوریشن کی بندش کیخلاف ملازمین نے بارش کے باوجود اسلام آباد میں ہیڈ آفس کے سامنے احتجاجی مظاہرہ کیا۔

(جاری ہے)

یونین عہدیداران نے کہا کہ 14جولائی سے جاری قلم چھوڑ ہڑتال آج باقاعدہ احتجاج میں تبدیلی کی گئی ہے،مظاہرین نے کہا وزیراعظم نے یوٹیلیٹی اسٹورز کی بندش نہ کرنے کا وعدہ کیا تھا۔

پارلیمان میں بھی بندش نہ ہونے کی یقین دہانی کروائی گئی۔مظاہرین نے کہا یوٹیلیٹی اسٹورز غریب عوام کو ریلیف دینے والا واحد ادارہ ہیناجائز منافع خوری اور ذخیرہ اندوزی کیخلاف فرنٹ لائن پر ہیں،وززیراعظم فوری طور پر بندش کے احکامات واپس لیں۔