فیصل آباد، سائبر کرائم اور آن لائن فراڈ کیس کا مرکزی ملزم گرفتار

جمعہ 18 جولائی 2025 20:10

فیصل آباد (اُردو پوائنٹ اخبارتازہ ترین - این این آئی۔ 18 جولائی2025ء)نیشنل سائبر کرائم اینڈ انویسٹیگیشن ایجنسی نے فیصل آباد میں کارروائی کرتے ہوئے سائبر کرائم اور کروڑوں روپے کے آن لائن فراڈ کے کیس کے مرکزی ملزم کو گرفتار کر لیا۔نیشنل سائبر کرائم اینڈ انویسٹیگیشن ایجنسی نے 8جولائی کو فیصل آباد میں چھاپہ مار کر آن لائن فراڈ کے بڑے نیٹ ورک کو پکڑا تھا اور 70سے زائد غیر ملکیوں سمیت 149ملزمان کو گرفتار کر کے 7مقدمات درج کیے تھے۔

یہ نیٹ ورک ملک تحسین اعوان کے ڈیرے پر بنائے گئے کال سینٹر میں کام کر رہا تھا۔

(جاری ہے)

مرکزی ملزم ملک تحسین اعوان نے ساتوں مقدمات میں ضمانت قبل از گرفتاری کروالی تھی۔ این سی سی آئی اے نے آٹھواں مقدمہ درج کر کے مرکزی ملزم ملک تحسین اعوان کو دوبارہ گرفتار کر لیاہے، ملزم پر الزام ہے کہ اس نے غیر ملکی گروہ کے ساتھ مل کر جعلی کمپنیاں بنائیں، بوگس ایگریمنٹ کیے اور اداروں کو غلط ڈیٹا فراہم کیا، غیرملکیوں کو جعلی پاسپورٹ نمبر دیے اور 71غیرملکیوں میں سے 62کی موجودگی چھپائی گئی۔حکام کے مطابق ملزم کے خلاف آٹھواں مقدمہ درج کر کے گرفتار کیا گیا ہے، گرفتار ملزم تحسین اعوان کو آج عدالت میں پیش کرکے اس کے جسمانی ریمانڈ کی استدعا کی جائے گی۔