لاہور، مبینہ پولیس مقابلے میں زیرحراست سرغنہ ماراگیا

پولیس کی ٹیم ملزم اللّٰہ دتہ کو ریکوری کیلئے تھانہ شیراکوٹ لے جا رہی تھی کہ اسکے ساتھیوں نے چھڑوانے کیلئے فائرنگ کر دی

ہفتہ 19 جولائی 2025 12:01

لاہور(اُردو پوائنٹ اخبارتازہ ترین - این این آئی۔ 19 جولائی2025ء)لاہور کے علاقے شیراکوٹ میں سی سی ڈی اور پولیس سے مبینہ مقابلے میں ڈکیت اور وہیکل اسنیچر گینگ کا زیر حراست سرغنہ مارا گیا۔

(جاری ہے)

سی سی ڈی کے مطابق پولیس کی ٹیم ملزم اللّٰہ دتہ کو ریکوری کے لیے تھانہ شیراکوٹ لے جا رہی تھی کہ اسکے ساتھیوں نے ملزم کو چھڑوانے کے لیے فائرنگ کر دی۔ فائرنگ کے تبادلے میں ملزم اللّٰہ دتہ ہلاک ہوگیا جبکہ ملزم کے ساتھی فرار ہوگئے۔ سی سی ڈی کے مطابق ملزم اللّٰہ دتہ سنگین جرائم کی 100 وارداتوں میں ریکارڈ یافتہ تھا۔ پولیس کی جانب سے ملزم کے ساتھیوں کی گرفتاری کیلئے کوشش جاری ہے۔