وزیر صحت سلمان رفیق کاڈی ایچ کیو ہسپتال راولپنڈی کا اچانک دورہ

ہفتہ 19 جولائی 2025 21:45

لاہور(اُردو پوائنٹ اخبارتازہ ترین - این این آئی۔ 19 جولائی2025ء)صوبائی وزیر صحت خواجہ سلمان رفیق نے ڈی ایچ کیو ہسپتال راولپنڈی کا اچانک دورہ کیا-اس موقع پر ایم ایس و دیگر بھی موجود تھے۔صوبائی وزیر صحت خواجہ سلمان رفیق نے ڈی ایچ کیو ہسپتال راولپنڈی میں ایمرجنسی، آپریشن تھیٹرز و دیگر شعبہ جات کا معائنہ کیا۔صوبائی وزیر صحت نے مریضوں سے ملاقات کرکے طبی سہولیات بارے دریافت کیا۔

پارکنگ ایریا میں صفائی ستھرائی کے ناقص انتظامات پر پارکنگ کمپنی کو جرمانہ کرنے کی ہدایت کی۔

(جاری ہے)

ڈاکٹر کے ایمرجنسی میں موبائل فون استعمال کرنے پر کارروائی کا حکم دیا -انہوں نے ری ویمپنگ منصوبے کو جلد از جلد مکمل کرنے کی ہدایت کی۔ خواجہ سلمان رفیق نے کہا کہ وزیر اعلیٰ پنجاب مریم نواز شریف کے ویژن کے مطابق سرکاری ہسپتالوں میں مریضوں کیلئے آسانیاں پیدا کرنے کیلئے کوشاں ہیں۔ ہسپتالوں میں ادویات کی فراہمی کو یقینی بنایا جا رہا ہے۔ہسپتالوں میں جدید سہولیات کی فراہمی کیلئے کوشاں ہیں۔ ہسپتالوں میں مریضوں کیلئے آسانیاں پیدا کرنا اولین ترجیح ہے۔ ہسپتالوں میں ون پیشنٹ ون اٹینڈنٹ پر عملدرآمد کروایا جا رہا ہے۔